ສະຖານທູດລາວ ປະຈຳປະເທດຝຣັ່ງ ໄດ້ອັນເຊີນ ພຣະພຸທຮູບ ທັງສາມອົງ ກັບເມືອຮອດປະເທດຊາດແລ້ວ ໃນວັນທີ່ 25 ກຸມພາ 2020 ເພື່ອປະດິດສະຖານຢູ່ວັດ ອົງຕື້ມະຫາວິຫານ.
ໃນວັນທີ່ 27/2/2020 ຈະມີພິທີມອບ-ຮັບຢ່າງເປັນທາງການ ໂດຍຈະມີຜູ້ຫລັກຜູ້ໃຫຍ່ຫລາຍທ່ານເຂົ້າຮ່ວມເປັນ ສັກຂີພະຍານ.
ໃນວັນທີ່ 28 ກຸມພາ 2020 ເຈົ້າຄະນະວັດ ອົງຕື້ມະຫາວິຫານ ໂດຍມີ ພຣະອາຈານ ພວງປະເສີດ ຈະໄດ້ນິມົນພຣະສົງ 200 ອົງ ພ້ອມດ້ວຍອອກຕົນຍາດໂຍມ ແລະ ພຸທບໍລິສັດຊາວນະຄອນຫລວງ ວຽງຈັນເຂົ້າຮ່ວມ ໄຫວ້ພຣະຮັບສີນ ແລະ ສູດສົມໂພດ ພຮະພຸທຮູບທັງສາມ ອົງທີ່ປະກອບມີ:
ອົງທີ່ໜື່ງ: ພຣະພຸທຮູບປາງສະດຸ້ງມານຊຽງແສນ 1 ໜື່ງອົງ ໜ້າຕັກ 47ເຊັນ ລວງສູງ 75ເຊັນ ນໍ້າໜັກ 35 ກີໂລ,
ອົງທີ່ສອງແມ່ນ ພຣະພຸທຮູບ ປາງຊົງສຳເພົາ ໜ້າຕັກ 30ເຊັນ ສູງ 54ເຊັນ ແລະ ນໍ້າໜັກ 10 ກີໂລ ແລະ
ອົງທີ່ສາມ ແມ່ນ ພຣະພຸທຮູບປາງຊົງສຳເພົາ ໜ້າຕັກ 30 ເຊັນ ລວງສູງ 50ເຊັນ ແລະນໍ້າໜັກ 10 ກີໂລ.
ຂໍເຊີນພີ່ນ້ອງຊາວນະຄອນຫລວງ ວຽງຈັນເຮົາເຂົ້າຮ່ວມ ໄຫວ້ພຣະຮັບສີນ ແລະ ພິທີສົມໂພດພຣະໃນຄັ້ງນີ້ດ້ວຍ.
L’Ambassade du Laos en France a invité trois statues de Boudha (vues dans les photos) à être rapatriés au pays. Une fois arrivés à Vientiane, nous les avons invité à s’installer à lapagode de Vat Ong Tu. La cérémonie de remise officielle sera organisée à Vat Ong Tu le 27 février 2020 et une cérémonie religieuse va être organisée à Vat Ong Tu le 28 fevrier 2020 avec la participation de 200 bonzes et la population de Vientiane.
