ຢາເສບຕິດ ເປັນໄພຂົ່ມຂູ່ຕໍ່ຄວາມໝັ້ນຄົງຂອງຊາດ ແລະ ຄວາມສະຫງົບຂອງສັງຄົມ. ປັດຈຸບັນນີ້, ເຖິງແມ່ນ ວ່າໄດ້ມີການສະກັດກັ້ນ ແລະ ປາບປາມຢ່າງຕໍ່ເນື່ອງຕະຫຼອດມາ ພ້ອມທັງໄດ້ເອົາໃຈໃສ່ຕໍ່ຜູ້ທີ່ຫຼົງຜິດຕິດຢາເສບ ຕິດໄດ້ຮັບການບັດບຳປິ່ນປົວ ແລະ ຝຶກວິຊາຊີບໃຫ້ພວກເຂົາເຈົ້າ. ຄຽງຄູ່ກັນນີ້, ກໍໄດ້ສຸມໃສ່ຈັດຕັ້ງປະຕິບັດມະຕິ 3 ສ້າງ ແລະ ຄຳສັ່ງເລກທີ 03 ຂອງກົມການ ເມືອງ, ຄຳສັ່ງເລກທີ 22 ຂອງຄະນະເລ ຂາທິການສູນກາງພັກ, ຄຳສັ່ງເລກທີ 27 ຂອງນາຍົກລັດຖະມົນຕີ ແລະ ບັນດານິຕິກຳທີ່ກ່ຽວຂ້ອງໃຫ້ປະກົດຜົນເປັນຈິງນັ້ນ, ແຕ່ ລະທ້ອງຖິ່ນ ກໍໄດ້ເອົາໃຈໃສ່ຢ່າງຕັ້ງໜ້າໃນການປະຕິບັດແຜນການສ້າງບ້ານປອດຢາເສບຕິດ ຕິດພັນກັບການສ້າງບ້ານວັດທະນະທຳ, ບ້ານປອດຄະດີ ແລະ ບ້ານພັດທະນາ. ແຕ່ບັນຫາຢາເສບຕິດ ຍັງບໍ່ມີທ່າອ່ຽງຫຼຸດລົງຢູ່ບາງຂົງເຂດ. ໃນນີ້, ແຂວງທີ່ໜ້າເປັນຫ່ວງ ກໍຄືແຂວງບໍ່ແກ້ວ ເປັນຕົ້ນ.

ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ໃຫ້ຮູ້ວ່າ: ສະພາບຢາເສບຕິດພາຍໃນແຂວງບໍ່ແກ້ວ ຍັງເປັນສິ່ງທ້າທາຍໃນການສະກັດ ແລະ ປາບປາມ, ເຊິ່ງໃນໄລຍະທີ່ຜ່ານມາ ກຸ່ມຄົນທີ່ລັກລອບຄ້າຂາຍຢາເສບຕິດ ດ້ວຍວິທີການທີ່ເລິກແລບແນບນຽນ ຈັດຕັ້ງເປັນເຄືອຂ່າຍ, ເປັນຂະບວນການ. ສະເພາະໃນ 1 ປີຜ່ານມາ, ສາາດມ້າງຄະດີໄດ້ທັງໝົດ 177 ເລື່ອງ, ກັກຜູ້ຖືກຫາ 197 ຄົນ ຍິງ 12 ຄົນ. ໃນນີ້, ມີຄົນຕ່າງປະເທດ 15 ຄົນ ຢຶດຢາບ້າ 12.288.408 ເມັດ, ຢາໄອສ໌ 1.446 ກິໂລກຼາມ ກັບ 38 ຖົງ, ໂຄເຄນ 2 ກິໂລກຼາມ, ແປ້ງຝຸ່ນ 10 ໂຕນ, ຝິ່ນ 1 ຫໍ່, ເງິນກີບ 6.574000 ກີບ ເງິນບາດ 71.450 ບາດ, ເງິນໂດລາ 100 ໂດລາ, ເງິນດົງ 140.000 ດົງ, ລົດໃຫຍ່ 17 ຄົນ ລົດຈັກ 33 ຄັນ ໂທລະສັບ 28 ເຄື່ອງ ສາຍຄໍສີເຫຼືອງຄ້າຍຄືຄໍາ 3 ເສັ້ນ, ແຫວນສີເຫຼືອງຄ້າຍຄືຄໍາ 3 ວົງ, ປືນສັ້ນ 3 ກະບອກ ພ້ອມລູກ 17 ລູກ ປືນຍາວ 2 ກະບອກ, ປືນປະດິດ 4 ກະບອກ, ປືນແກັບ 2 ກະບອກ, ປືນດັດຍິງລູກຕະປູ 1 ກະບອກ ພ້ອມລູກ 11 ລູກ, ສະຫຼຸບສຳ ນວນຄະດີ ສົ່ງໃຫ້ໄອຍະການ 128 ເລື່ອງ, ມີຜູ້ຖືກຫາ 159 ຄົນ, ຄົນຕ່າງປະເທດ 5 ຄົນ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ໃນປີ 2020 ນີ້. ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ຈະໄດ້ສຸມໃສ່ກໍາແໜ້ນບັນດາເປົ້າໝາຍທີ່ມີການພົວພັນກັບບັນຫາຢາເສບຕິດ ໂດຍມອບໃຫ້ພະນັກງານສືບຂ່າວລົງເກັບກໍາຂ່າວ, ກໍາສະພາບຢູ່ພື້ນທີ່ຕົວຈິງ ເມື່ອກໍາໄດ້ສະພາບເປົ້າໝາຍກຸ່ມແກ້ງ, ເຄືອຂ່າຍການເຄື່ອນໄຫວ ແລ້ວຊອກຫາວິທີສະກັດກັ້ນຢ່າງທັນການ ແລະ ປັບປຸງແກ້ໄຂບັນດາຊ່ອງວ່າງ, ຄຸ້ມຄອງສຶກສາອົບຮົມປິ່ນປົວຜູ້ຕິດຢາເສບຕິດ ພາຍຫຼັງບໍາບັດອອກມາແລ້ວແລ້ວບໍ່ໃຫ້ກັບໄປພົວພັນກັບຢາເສບຕິດອີກ ເອົາໃຈໃສ່ສະກັດກັ້ນກຸ່ມຄ້າຂາຍຢາເສບຕິດໃຫ້ມີລັກສະນະຫຼຸດລົງ ພ້ອມທັງຂຶ້ນແຜນນໍາສະເໜີໃຫ້ຂັ້ນເທິງ ເພື່ອລົງກວດກາຕາມຈຸດເສັ້ນທາງບ່ອນທີ່ມີການຂົນສົ່ງ ຫຼື ເສັ້ນທາງຜ່ານ.

ຢ່າງໃດກໍດີ, ການແກ້ບັນຫາດັ່ງກ່າວນີ້, ທຸກພາກສ່ວນທີ່ກ່ຽວຂ້ອງ ກໍຕ້ອງຊ່ວຍກັນໂຄສະນາສຶກສາອົບຮົມ ດ້ວຍຫຼາຍຮູບການ ເພື່ອປູກຈິດສໍານຶກໃຫ້ຄົນໃນສັງຄົມເຫັນໄດ້ເຖິງພິດໄພ ແລະ ຜົນຮ້າຍຂອງມັນ, ເອົາໃຈໃສ່ຢ່າງຕັ້ງໜ້າຕໍ່ວຽກງານການບໍາບັດປິ່ນປົວ, ຟື້ນຟູສຸຂະພາບ ແລະ ຝຶກວິຊາຊີບໃຫ້ຜູ້ທີ່ຕົກເປັນຜູ້ເຄາະຮ້າຍ, ຕິດ ຕາມກວດກາ ແລະ ສຶກສາອົບຮົມບໍ່ໃຫ້ມີການລັກລອບປູກຝິ່ນ-ກັນຊາ ຫຼື ສານເສບຕິດອື່ນໆ, ສະກັດກັ້ນ ແລະ ປາບປາມພວກຄ້າ-ຂາຍຢາເສບຕິດຢູ່ຕາມທ້ອງຖິ່ນຕ່າງໆຢ່າງເຂັ້ມງວດ, ເດັດຂາດ ແລະ ຮັດກຸມ, ເພີ່ມທະວີການພົວພັນ-ຮ່ວມມືກັບສາກົນ ໂດຍສະເພາະກັບບັນດາປະເທດ ເພື່ອນບ້ານໃກ້ຄຽງ ເພື່ອແລກປ່ຽນຂໍ້ມູນ- ຂ່າວສານ ເພື່ອສະກັດກັ້ນ ແລະ ຕ້ານການລັກລອບຄ້າ-ຂາຍ ແລະ ລໍາລຽງຂົນສົ່ງຢາເສບຕິດໃຫ້ຫຼຸດໜ້ອຍຖອຍລົງເທື່ອລະກ້າວ.

LEAVE A REPLY

Please enter your comment!
Please enter your name here