Skip to content

All in LAOS

Travel more, Know more, Enjoy more

  • ເລື່ອງເດັ່ນ
  • ຂ່າວສານບ້ານເມືອງ
  • ສາລະໜ້າຮູ້
  • ທຸລະກິດ
  • Toggle search form

ຖືກຈັບພ້ອມຂອງກາງຢາບ້າ 1.000 ກວ່າເມັດ

Posted on 25/02/202025/02/2020 By News No Comments on ຖືກຈັບພ້ອມຂອງກາງຢາບ້າ 1.000 ກວ່າເມັດ

ທ້າວ ຖິ່ນນະກອນ ຫຼື ແບະ ອາຍຸ 42 ປີ ຢູ່ບ້ານນາຄວາຍໃຕ້ ແລະ ທ້າວ ພອນສະຫວັນ ຫຼື ອ້າຍ ອາຍຸ 29 ປີ ຢູ່ ບ້ານໂພນເຄັງ ທັງ 2 ຂຶ້ນກັບເມືອງໄຊເສດຖາ ນະຄອນຫຼວງວຽງຈັນ ເປັນເປົ້າໝາຍຢາເສບຕິດຂອງອຳນາດການປົກຄອງບ້ານທັງ 2 ບ້ານ ຖືກເຈົ້າໜ້າທີ່ ປກສ ເມືອງໄຊເສດຖາ ກັກຕົວວັນທີ 6 ກຸມພາ 2020 ໃນຂໍ້ຫາການຄ້າຂາຍຢາເສບຕິດ ແລະ ມີຢາເສບຕິດໄວ້ໃນຄອບຄອງ ປະເພດຢາບ້າ ພ້ອມຂອງກາງຢາບ້າ 1.012 ເມັດ ແລະ ຢາໄອສ໌ 2 ກ້ອນນ້ອຍ ໄປດຳເນີນຄະດີ.

ຜູ້ຖືກຫາທັງສອງຄົນເປັນເປົ້າໝາຍຕິດຕາມຂອງອຳນາດການປົກຄອງບ້ານນາຄວາຍໃຕ້ ແລະ ບ້ານໂພນເຄັງ ທີ່ມີພຶດຕິກຳເສບ-ເຄື່ອນໄຫວຄ້າຂາຍຢາເສບຕິດ ໂດຍສະແດງອອກມັກອອກທ່ຽວຫຼິ້ນກາງຄືນ ກັບບ້ານແບບບໍ່ມີໂມງເວລາອັນແນ່ນອນ ແລະ ມັກພົວພັນກັບກຸ້ມໄວລຸ້ນທີ່ເປັນເປົ້າໝາຍເສບ ແລະ ມົ້ວສຸມຢາເສບຕິດ ທັງສ້າງຄວາມບໍ່ສະຫງົບໃຫ້ກັບສັງຄົມ; ຈາກພຶດຕິກຳຂອງພວກກ່ຽວ, ອຳນາດການປົກຄອງບ້ານນາຄວາຍໃຕ້ ສືບຮູ້ວ່າ: ພວກກ່ຽວທັງ 2 ຄົນ ໄດ້ມາ ເຄື່ອນໄຫວຢູ່ເຂດບ້ານນາຄວາຍໃຕ້ ຈຶ່ງໄດ້ປະສານກັບເຈົ້າໜ້າທີ່ໜ່ວຍງານສະ ກັດກັ້ນ ແລະ ຕ້ານຢາເສບຕິດ ປກສ ເມືອງໄຊເສດຖາ ລົງມ້າງທັນການ. ຜ່ານການລົງມ້າງ ແລະ ກັກຕົວພວກກ່ຽວໄດ້ ໂດຍທ້າວ ຖິ່ນນະກອນ ຫຼື ແບະ ມີຂອງກາງຢາບ້າ ຈຳນວນ 812 ເມັດ ກັບຢາໄອສ໌ 2 ກ້ອນນ້ອຍ ແລະ ທ້າວ ພອນສະຫວັນ ຫຼື ອ້າຍ ມີຢາບ້າຕິດຕົວ 200 ເມັດ ມາສອບສວນ.

ຈາກການສືບສວນຢ່າງລະອຽດຂອງເຈົ້າໜ້າທີ່ແລ້ວໃຫ້ຮູ້ວ່າ: ຕົ້ນເດືອນພະຈິກ 2018, ທ້າວ ແບະ ໄດ້ໂຍກຍ້າຍຈາກບ້ານສີສັງວອນ ເມືອງໄຊເສດຖາ ໄປຢູ່ບ້ານນາຄວາຍໃຕ້ ເມືອງໄຊເສດຖາ ແລະ ມີການພົວພັນເສບ ພ້ອມຄ້າຂາຍຢາເສບຕິດປະເພດຢາບ້າ ໂດຍຊື້ຢາບ້ານໍາ ທ້າວ ຕ້ອມ ອາຍຸປະມານ 30 ປີ ຢູ່ ບ້ານນາຄວາຍໃຕ້ ຄັ້ງລະ 1-2 ເມັດ, ຈາກການຊື້ຢາບ້າເສບຫຼາຍຄັ້ງ ເຮັດໃຫ້ລຶ້ງເຄີຍກັນ ເຮັດໃຫ້ ທ້າວ ປ້ອມ ໄດ້ຊັກຊວນໃຫ້ຂາຍຢາເສບຕິດ ໂດຍເອົາຢາບ້າໃຫ້ໄປຂາຍກ່ອນ 1 ຖົງ ມີ 200 ເມັດ ເມື່ອຂາຍໝົດຈຶ່ງຈ່າຍເງິນຕາມຫຼັງ ເມື່ອໄດ້ຢາບ້າມາແລ້ວ ທ້າວ ແບະ ໄດ້ເອົາໄປຂາຍໃຫ້ກັບໄວລຸ້ນຢູ່ຕາມຮ້ານເກມ ຄັ້ງລະ 2-5 ເມັດ. ນັບແຕ່ນັ້ນມາ ກໍເອົາຢາບ້າມາຂາຍຫຼາຍຄັ້ງ ຫຼາຍສຸດແມ່ນ 5 ຖົງ, ສ່ວນຈຸດນັດຊື້-ຂາຍແມ່ນທ້າວ ປ້ອມ ຈະເປັນຄົນເອົາມາສົ່ງໃຫ້ຢູ່ເຮືອນ.

ມາໃນວັນທີ 3 ກຸມພາ 2020, ເວລາປະມານ 10:00 ໂມງ ທ້າວ ປ້ອມ ໄດ້ເອົາຢາເສບຕິດ ປະເພດເຮໂຣອິນ 2 ກ້ອນນ້ອຍໄປຝາກໄວ້ນໍາ ທ້າວ ແບະ ໂດຍບອກວ່າ ຖ້າມີຜູ້ຊື້ແມ່ນຂາຍໂລດ. ຈາກນັ້ນ, ທ້າວ ແບະ ໄດ້ຊຸກເຊື່ອງໄວ້ ໃນຕູ້ລໍາໂພງ. ຈົນມາຮອດວັນທີ 6 ກຸມພາ 2020, ທ້າວ ປ້ອມ ໄດ້ເອົາຢາບ້າມາສົ່ງໃຫ້ ທ້າວ ແບະ ຈໍານວນ 5 ຖົງ ແລ້ວຂັບລົດອອກໄປ. ຕໍ່ມາເວລາປະມານ 11:00 ໂມງ, ທ້າວ ອ້າຍ ໄດ້ມາເອົາຢາບ້ານໍາ ທ້າວ ແບະ 1 ຖົງ ເມື່ອທັງ 2 ຄົນ ຊື້-ຂາຍຢາບ້າຮ່ວມກັນແລ້ວ ຈຶ່ງຖືກເຈົ້າໜ້າທີ່ເຂົ້າຈັບຕົວ ພວກກ່ຽວພົບເຫັນຂອງກາງຢາເສບຕິດຢາບ້ານໍາ ທ້າວ ແບະ 4 ຖົງ ມີ 812 ເມັດ ກັບ ເຮໂຣອິນ 2 ກ້ອນນ້ອຍ ແລະ ທ້າວ ອ້າຍ ມີຂອງກາງຢາບ້າ 1 ຖົງ ມີ 200 ເມັດ ລວມຂອງກາງຢາບ້າ 1.012 ເມັດ ກັບຢາໄອສ໌ 2 ກ້ອນນ້ອຍມາດຳເນີນຄະດີ.

ຂ່າວສານບ້ານເມືອງ

Post navigation

Previous Post: ປີ້ນອີກແລ້ວທາງພູ 9 ຫລັກເຈັບ 2 ຄົນ
Next Post: ແຂວງບໍ່ແກ້ວຍັງເປັນສິ່ງທ້າທາຍໃນການສະກັດກັນ ແລະ ປາບປາມສະພາບຢາເສບຕິດ

Related Posts

ຂໍແຈ້ງຂ່າວບຸນນະມັດສະການ ພຣະທາດຈອມສີ ປະຈຳປີ ພສ ໒໕໖໓ (ຄສ 2020 )ທີ່ນະຄອນຫລວງພຣະບາງ ຂ່າວສານບ້ານເມືອງ
ຫົວພັນອອກຄໍາສັ່ງປິດການເຂົ້າອອກເມືອງຊຽງຄໍ້ຊົ່ວຄາວ ຂ່າວສານບ້ານເມືອງ
ຫ້າມຈໍາໜ່າຍຊື້ຂາຍເຄື່ອງດຶ່ມທີ່ມີທາດເຫຼົ້າ ຫ້າມບ້ານແລະເມືອງ ເກັບເງິນຄ່າທໍານຽມ ອອກໃບຢັ້ງຢືນ ໄລຍະໂຄວິດ-19 ຂ່າວສານບ້ານເມືອງ
ຂ່າວໂຄວິດລາວພົບຜູ້ຕິດເຊື້ອເພີ່ມ 1076ຄົນ ຂ່າວສານບ້ານເມືອງ
ຂ່າວດ່ວນ! ລົດເມຕໍາກັບລົດກະບະ ເສຍຊິວິດ ຄາທີ່ 2 ເຈັບ 2 ທາງເມືອງຈໍາພອນ ຂ່າວສານບ້ານເມືອງ
ຂ່າວດີ 47 ມື້ແລ້ວ ຍັງບໍພົບກໍລະນີຜູ້ຕິດເຊື້ອໂຄວິດ-19 ເພີ່ມ ຂ່າວສານບ້ານເມືອງ

Leave a Reply

Your email address will not be published. Required fields are marked *

Copyright © 2022 All in LAOS.

Powered by PressBook Grid Blogs theme