ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນຕອນເຊົ້າຂອງວັນທີ 18 ກຸມພາ 2020 ທີ່ອົງການກວດກາລັດຖະບານ ໄດ້ຈັດພິທີສະເຫຼີມສະຫຼອງວັນສ້າງຕັ້ງອົງການກວດກາພັກ-ລັດ ຄົບຮອບ 38 ປີ (16/02/1982-16/02/2020) ແລະ ຍ້ອງຍໍຜົນງານຄະນະສະເພາະກິດ ແລະ ພະນັກງານກວດກາສູນກາງພັກ ປະຈໍາປີ 2019 ໂດຍການໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ, ນາຍົກລັດຖະມົນຕີ; ມີ ທ່ານ ປອ. ບຸນທອງ ຈິດມະນີ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ ແລະ ອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ; ມີການນຳຂອງບັນດາກະຊວງ-ອົງການ ແລະ ທ້ອງຖິ່ນ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ.

ໃນກອງປະຊຸມ ທ່ານ ສີໃນ ມຽງລາວັນ, ຮອງປະທານຄະນະກວດກາສູນກາງພັກ ແລະ ອົງການກວດກາລັດຖະບານ, ຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ລາຍງານ ແລະ ຍົກໃຫ້ເຫັນປະຫວັດຄວາມເປັນມາ, ການເຕີບໃຫຍ່ຂະຫຍາຍຕົວ ແລະ ຜົນງານທີ່ອົງການກວດກາພັກ-ລັດ ສາມາດຍາດມາໄດ້ຕະຫຼອດ ໄລຍະ 38 ປີຜ່ານມາ ໃນວຽກງານຕິດຕາມ, ກວດກາພັກ, ຕິດຕາມ, ກວດກາລັດ, ການສະກັດກັ້ນ ແລະ ຕ້ານການສໍ້ລາດບັງຫຼວງ, ພ້ອມນີ້ ກໍ່ໄດ້ຈັດຕັ້ງຄະນະກວດກາສະເພາະກິດ (ພິເສດ) ດຳເນີນການກວດກາໂຄງການບໍ່ມີຕົວຕົນ ຢູ່ບັນດາແຂວງ, ໂຄງການຈ່າຍເງິນເກີນ ແລະ ຈ່າຍຊ້ຳຊ້ອນ ຢູ່ບັນດາກະຊວງ-ອົງການ ແລະ ບັນດາແຂວງ-ນະຄອນຫຼວງ; ຜົນງານທີ່ພົ້ນເດັ່ນໃນໄລຍະຜ່ານມາ ແມ່ນສໍາເລັດການກວດກາ ແລະ ດຳເນີນການສືບສວນ-ສອບສວນສາຍເຫດຄູກັນນ້ຳ ເຂື່ອນໄຟຟ້າເຊປຽນ-ເຊນ້ຳນ້ອຍ ແຕກພັງ ພ້ອມທັງ ດຳເນີນການປັບປຸງແກ້ໄຂບັນຫາກັບບໍລິສັດຜູ້ລົງທຶນ ສຳເລັດຕາມການຊີ້ນຳຂອງຂັ້ນເທິງ ຊຶ່ງເປັນການປະກອບສ່ວນ ໃນການແກ້ໄຂສະພາບຫຍໍ້ທໍ້, ການລະເມີດລະບຽບກົດໝາຍ ທີ່ເກີດຂຶ້ນໃນໂຄງການລົງທຶນຂອງລັດ ແລະ ຜົນງານອື່ນໆ ອີກຫຼາຍດ້ານ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໂອກາດນີ້, ທ່ານ ທອງລຸນ ສີສຸດລິດ ໄດ້ໃຫ້ກຽດໂອ້ລົມ ແລະ ຊີ້ນໍາຕໍ່ກອງປະຊຸມ ເຊິ່ງກ່ອນອຶ່ນ ທ່ານໄດ້ຍົກໃຫ້ເຫັນຄວາມສຳຄັນຂອງວຽກງານກວດກາ ທີ່ຂາດບໍ່ໄດ້ ໃນວຽກການນຳພາຂອງພັກ, ການຄຸ້ມຄອງຂອງລັດ ແລະ ໄດ້ສະແດງຄວາມຍ້ອງຍໍ, ຊົມເຊີຍ ຕໍ່ຜົນສໍາເລັດທີ່ອົງການກວດກາ ພັກ-ລັດ ສາມາດຍາດມາໄດ້ທີ່ສ່ອງແສງເຖິງຄວາມຮັບຜິດຊອບ ຂອງທຸກຂະແໜງການຕໍ່ວຽກງານຕ້ານການສໍ້ລາດບັງຫຼວງ ເຊິ່ງໄດ້ສ້າງຄວາມເຊື່ອໝັ້ນ ສັດທາຂອງປະຊາຊົນ ຕໍ່ພັກ-ລັດ ເພີ່ມຂຶ້ນ ແລະ ເຂົ້າຮ່ວມໃນວຽກງານກວດກາ ກໍ່ຄື ປະກອບສ່ວນເຂົ້າໃນ ການຕ້ານການສໍ້ລາດບັງຫຼວງ. ແຕ່ເຖິງຢ່າງໃດກໍ່ຕາມ ວຽກກວດກາ ເປັນວຽກທີ່ສຳຄັນ, ທ້າທາຍ ແລະ ສັບສົນ ເຮັດໃຫ້ປາສະຈາກບໍ່ໄດ້ ຂໍ້ຄົງຄ້າງຈຳນວນໜຶ່ງທີ່ຕ້ອງໄດ້ສືບຕໍ່ແກ້ໄຂ.

ສະນັ້ນ ເພື່ອເຮັດໃຫ້ວຽກງານດັ່ງກ່າວ ສືບຕໍ່ມີການພັດທະນາ ປະກອບສ່ວນໃນການຈັດຕັ້ງປະຕິບັດ ແນວທາງນະໂຍບາຍ, ແຜນພັດທະນາເສດຖະກິດ-ສັງຄົມ ທີ່ພັກ-ລັດ ວາງອອກ ໃຫ້ປະກົດຜົນເປັນຈິງນັ້ນ, ທ່ານ ທອງລຸນ ສີສຸລິດ ໄດ້ມີຄໍາເຫັນຊີ້ນໍາ ແລະ ເນັ້ນໜັກໃຫ້ອົງການກວດກາພັກ-ລັດ ສືບຕໍ່ເອົາໃຈໃສ່ ເປັນຕົ້ນ ເອົາໃຈໃສ່ຈັດຕັ້ງປະຕິບັດໜ້າທີ່ຕາມພາລະບົດບາດຂອງຕົນ ແລະ ຕາມການມອບໝາຍ ໂດຍສະເພາະ ການຈັດຕັ້ງປະຕິບັດວຽກງານກວດກາຕ້ານການສໍ້ລາດບັງຫຼວງ ໃນຂອບເຂດທົ່ວປະເທດ, ຖ້າພົບເຫັນປະກົດການຫຍໍ້ທໍ້ ຕ້ອງພ້ອມກັນຮີບຮ້ອນແກ້ໄຂ, ສະກັດກັ້ນ ບໍ່ໃຫ້ແຜ່ລາມ ຫຼື ບານປາຍ; ເອົາໃຈໃສ່ສະຫຼຸບຕີລາຄາຖອດຖອນບົດຮຽນການຈັດຕັ້ງປະຕິບັດວຽກງານດັ່ງກ່າວ, ໃນນີ້ ໃຫ້ຖອດຖອນບົດຮຽນຈາກປະເທດເພື່ອນມິດຍຸດທະສາດ ມາໝູນໃຊ້ໃຫ້ເໝາະສົມ ແທດກັບສະພາບຕົວຈິງຂອງປະເທດເຮົາ.

ສືບຕໍ່ການກວດກາແຕ່ຫົວທີ, ກວດກາໂຄງການລົງທຶນຂອງລັດ ທີ່ບໍ່ຖືກຕ້ອງຕາມລະບຽບກົດໝາຍ ແລະ ບັນດາເປົ້າໝາຍທີ່ພວມດໍາເນີນກວດກາທີ່ຍັງບໍ່ທັນສໍາເລັດ ເພື່ອບໍ່ເຮັດໃຫ້ເກີດເປັນການລະເມີດ; ເຜີຍແຜ່ຜົນການ ກວດກາ ແລະ ການຕັດສິນແກ້ໄຂຈາກຜົນການກວດກາ, ຍ້ອງຍໍຜູ້ມີຜົນງານ ແລະ ລົງໂທດຜູ້ກະທຳຜິດ; ໃຫ້ ກວດກາຄືນບັນດານິຕິກຳຕ່າງໆທີ່ກ່ຽວກັບວຽກງານກວດກາ ເພື່ອປັບປຸງ ແລະ ສ້າງ ນິຕິກຳໃດທີ່ຍັງບໍ່ພຽງພໍ; ເອົາໃຈໃສ່ປັບປຸງກົງຈັກການຈັດຕັ້ງຂອງຄະນະກວດກາແຕ່ລະຂັ້ນ ໃຫ້ມີຄວາມປອດໃສ, ໜັກແໜ້ນ, ເຂັ້ມແຂງ ສົມຄູ່ກັບຄວາມຮັບຜິດຊອບການເມືອງ; ເພີ່ມທະວີການກໍ່ສ້າງ-ບໍາລຸງພະນັກງານ ໃຫ້ມີຄຸນທາດການເມືອງ, ຄຸນສົມບັດສິນທໍາປະຕິວັດ, ຈັນຍາບັນ, ຄວາມຮູ້ດ້ານວິຊາການ ແລະ ຄວາມສາມາດໃນການກວດກາຕົວຈິງ.

ການກວດກາຕ້ອງຮັບປະກັນຄວາມຖືກຕ້ອງ, ຊັດເຈນ, ທ່ຽງທໍາ, ພາວະວິໄສ, ມີໄຫວພິບ, ຄ່ອງແຄ້ວ, ນີ້ມນວນ, ທັນເວລາ ແລະ ມີຄວາມສັກສິດ; ສໍາລັບການກວດກາ ຕ້ອງຊອກໃຫ້ເຫັນສາຍເຫດຂອງການກະທໍາຜິດ, ມີວິທີການແກ້ໄຂ ແລະ ສາມາດຈັດຕັ້ງປະຕິບັດໄດ້, ພ້ອມກັນນັ້ນ ໃຫ້ຈັດກອງປະຊຸມສໍາມະນາຖອດຖອນບົດຮຽນວຽກງານດັ່ງກ່າວ ໃນສະພາບປະຈຸບັນ ແລະ ກຳນົດທິດທາງໃນຕໍ່ໜ້າ ເພື່ອປະກອບສ່ວນໃນການກະກຽມ ແລະ ການດຳເນີນກອງປະຊຸມໃຫຍ່ຄັ້ງທີ XI ຂອງພັກ.

ໃນໂອກາດນີ້ ຍັງໄດ້ມີພິທີຍ້ອງຍໍຜົນງານຂອງຄະນະສະເພາະກິດ ແລະ ພະນັກງານຂອງຄະນະກວດກາສູນກາງພັກ ທີ່ມີຜົນງານໃນການກວດກາສາຍເຫດຂອງຄູກັນນໍ້າເຊປຽນ-ເຊນໍ້ານ້ອຍ ແຕກພັງ ແລະ ປະກອບສ່ວນ ກວດກາກະຊວງ, ແຂວງ ຈໍານວນໜຶ່ງທີ່ດໍາເນີນໂຄງການບໍ່ຖືກຕ້ອງຕາມກົດໝາຍ ແລະ ລະບຽບການໃນໄລຍະຜ່ານມາ ໃນນີ້ປະດັບຫຼຽນໄຊແຮງງານ ຊັ້ນ I ມີ 41 ທ່ານ, ຫຼຽນໄຊແຮງງານ ຊັ້ນ II ມີ 104 ທ່ານ, ຫຼຽນໄຊແຮງງານ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here