ເພື່ອເປັນການສືບຕໍ່ເຜີຍແຜ່ກົດໝາຍວ່າດ້ວຍການຄຸ້ມຄອງສ່ວຍສາອາກອນ, ກົດໝາຍວ່າດ້ວຍອາກອນມູນຄ່າເພີ່ມ, ກົດໝາຍວ່າດ້ວຍອາກອນລາຍໄດ້ ແລະ ກົດໝາຍວ່າດ້ວຍອາກອນຊົມໃຊ້ ໃຫ້ຂະແໜງສ່ວຍສາອາກອນປະຈໍາແຂວງສະຫວັນນະເຂດ ແລະ ປະຈຳແຂວງຄຳມ່ວນລວມທັງສ່ວຍສາອາກອນປະຈໍາເມືອງນຳອີກດ້ວຍ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ສະນັ້ນ, ໃນວັນທີ 17 ກຸມພາ 2020 ຢູ່ນະຄອນໄກສອນພົມວິຫານ ແຂວງສະຫວັນນະເຂດ, ກົມສ່ວຍສາອາກອນ ກະຊວງການເງິນຮ່ວມກັບທະນາຄານໂລກ, ໄດ້ສືບຕໍ່ເຜີຍແຜ່ກົດໝາຍ 4 ສະບັບຂອງສ່ວຍສາອາກອນໃຫ້ບັນດາພະພະແນກການອ້ອມຂ້າງແຂວງ ແລະ ບັນດານັກທຸລະກິດຈາກ 2 ແຂວງດັ່ງກ່າວ.

ໂດຍພາຍໃຕ້ການເປັນປະທານຂອງທ່ານ ພູໂຂງ ນາມມະຈັກ ຫົວໜ້າຫ້ອງວ່າການແຂວງສະຫວັນນະເຂດ, ມີທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ກະຊວງການເງິນ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໂດຍພາຍໃຕ້ການເປັນປະທານຂອງທ່ານ ພູໂຂງ ນາມມະຈັກ ຫົວໜ້າຫ້ອງວ່າການແຂວງສະຫວັນນະເຂດ, ມີທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ກະຊວງການເງິນ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມໃນຄັ້ງນີ້,ເພື່ອຮັບຟັງການເຜີຍແຜ່ແນະນໍາກົດໝາຍດັ່ງກ່າວໃຫ້ບັນດາພະພະແນກການອ້ອມຂ້າງແຂວງ ແລະ ບັນດານັກທຸລະກິດຈາກສອງແຂວງດັ່ງກ່າວ, ໄດ້ຮັບຮູ້ຫຼັກການ, ລະບຽບການ ແລະ ມາດຕະການກ່ຽວກັບານຄຸ້ມຄອງສ່ວຍສາອາກອນໃຫ້ມີຄວາມເປັນເອກະພາບ, ລວມສູນ, ມີປະສິດທິພາບ ແລະ ປະສິດທິຜົນ, ຊຸກຍູ້ສົ່ງເສີມໃຫ້ບຸກຄົນ,ນິຕິບຸກຄົນ ຫຼື ການຈັດຕັ້ງປະຕິບັດການເສຍອາກອນ ແລະ ການດໍາເນິນທຸລະກິດໃຫ້ມີການຂະ ຫຍາຍຕົວໄປຕາມທິດຍືນຍົງ, ແນ່ໃສ່ຮັບປະກັນຂຸດຄົ້ນທ່າແຮງລາຍຮັບດ້ວຍການເກັບອາກອນເຂົ້າງົບປະມານແຫ່ງລັດໃຫ້ຖືກຕ້ອງ, ຄົບຖ້ວນ,ໂປ່ງໃສ ແລະ ຍຸຕິທໍາ. ທັງເປັນປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດໃຫ້ເຂັ້ມແຂງ.

ນອກຈາກນັ້ນ, ຍັງເປັນການອຳນວຍຄວາມສະດວກໃຫ້ແກ່ຫົວໜ່ວຍທຸລະກິດໃນການແຈ້ງ ແລະ ມອບອາກອນຜ່ານລະບົບທັນສະໄໝ, ອຳນວຍຄວາມສະດວກໃຫ້ແກ່ບັນດາຫົວໜ່ວຍທຸລະກິດໃນການເຊື່ອມຕໍ່ກັບພາກ ສ່ວນຂະແໜງ ອຸດສາຫະກຳ ແລະ ການຄ້າເພື່ອອອກເລກປະຈຳຕົວຜູ້ເສຍອາກອນພ້ອມກັບໃບທະບຽນວິສາຫະກິດໃນເວລາດຽວກັນ.

ໂອກາດນີ້, ທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ກະຊວງການເງິນ ໄດ້ຍົກໃຫ້ເຫັນເຖິງຄວາມສຳຄັນຂອງກົດໝາຍດັ່ງກ່າວໃນການຄຸ້ມຄອງການເກັບລາຍຮັບເຂົ້າງົບປະມານແຫ່ງລັດ, ສາມາດລະດົມແຫຼງລາຍຮັບເຂົ້າງົບປະມານແຫ່ງລັດຢ່າງເນື່ອງ, ເພື່ອສະໜອງດ້ານທຶນຮອນໃຫ້ແກ່ແຜນພັດທະນາເສດຖະກິດ-ສັງ ຄົມໃນແຕ່ລະໄລຍະ, ພ້ອມທັງເປັນການກະຕຸກຊຸກຍູ້, ສົ່ງເສີມການຜະລິດ ແລະ ການດຳເນີນທຸລະກິດໃຫ້ມີປະສິດທິຜົນ ແລະ ສາມາດເຊື່ອມໂຍງກັບພາກພື້ນ ແລະ ສາກົນໄດ້ນັບມື້ນັບດີຂຶ້ນ.

ໂອກາດດຽວກັນ ຍັງໄດ້ຮຽກຮ້ອງມາຍັງບັນດາຫົວໜ່ວຍທຸລະກິດຈົ່ງມີຄວາມຕື່ນຕົວໃນການນຳໃຊ້ລະບົບບັນຊີທີ່ຖືກຕ້ອງຕາມກົດໝາຍບັນຊີ, ນຳໃຊ້ໃບເກັບເງິນໃຫ້ຖືກຕ້ອງ ແລະ ປະຕິບັດການແຈ້ງເສຍພັນທະອາກອນໃຫ້ທັນເວລາ, ຄົບຖ້ວນ ແລະ ຖືກຕ້ອງຕາມກົດໝາຍ, ຮຽກຮ້ອງໃຫ້ນຳໃຊ້ລະບົບເອເລັກໂຕຣນິກໃນການແຈ້ງ ແລະ ຊຳລະອາກອນ, ນຳໃຊ້ເຄື່ອງບັນທຶກການຂາຍສິນຄ້າ ແລະ ການບໍລິການຢູ່ຈຸດຂາຍ (POS) ແລະ ຈິງໃຈແຈ້ງຂໍ້ມູນການເຄື່ອນໄຫວໃຫ້ເຈົ້າໜ້າທີ່ອາກອນຢ່າງເປັນປົກກະຕິ ແລະ ຮຽກຮ້ອງໃຫ້ບັນດາຫົວໜ່ວຍທຸລະກິດທີ່ມີລາຍຮັບປະຈຳປີເກີນ 400 ລ້ານກີບແຕ່ຍັງຢູ່ໃນລະບົບອາກອນແບບມອບເໝົາໃຫ້ນຳໃຊ້ລະບົບບັນຊີທີ່ຖືກຕ້ອງ ແລະ ນຳໃຊ້ໃບເກັບເງິນໃຫ້ຖືກຕ້ອງເພື່ອກ້າວໄປສູ່ການເຂົ້າລະບົບອາກອນມູນຄ່າເພີ່ມໃຫ້ຖືກຕ້ອງຕາມກົດໝາຍທີ່ວາງໄວ້

LEAVE A REPLY

Please enter your comment!
Please enter your name here