ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ພະແນກສຶກສາທິການ ແລະ ກິລາແຂວງຫຼວງພະບາງມອບເຄື່ອງນຸ່ງ ແລະ ອຸປະກອນກິລາໃຫ້ແກ່ໂຮງຮຽນມັດທະຍົມສົມບູນ ໂພນທອງ ກຸ່ມໂພນທອງ ເມືອງໂພນໄຊ ລວມມູນຄ່າ 10 ລ້ານກວ່າກີບ, ພິທີມອບ-ຮັບເຄື່ອງດັ່ງກ່າວໄດ້ມີຂື້ນເມື່ອວັນທີ 14 ກຸມພາ ຜ່ານມາທີ່ໂຮງຮຽນ ມສ ດັ່ງກ່າວໂດຍການໃຫ້ກຽດກ່າວມອບຂອງທ່ານ ຊາຍສະຫວັນ ຈັນມານິດ ຮັກສາການຫົວໜ້າພະແນກສຶກສາທິການ ແລະ ກິລາແຂວງ ແລະ ກ່າວຮັບຂອງທ່ານ ແສງເພັດ ລັດຕະນະ ຜູ້ອຳນວຍການໂຮງຮຽນ ມສ ໂພນທອງ ເຂົ້າຮ່ວມມີທ່ານ ໂພຍະວົງ ຫົວໜ້າຫ້ອງການສຶກສາທິການ ແລະ ກິລາເມືອງໂພນໄຊ, ທ່ານ ພັທ ຄຳເພົ້າ ປານມະນີ ຫົວໜ້າກຸ່ມໂພນທອງ ພ້ອມດ້ວຍພະນັກງານ,ຄູ-ອາຈານ ແລະ ນ້ອງນັກຮຽນເຂົ້າຮ່ວມເປັນສັກຂີພີຍານ.

Image may contain: 3 people, people sitting and text

ໂຮງຮຽນມັດທະຍົມສົມບູນໂພນທອງ ກຸ່ມໂພນທອງ ເມືອງໂພນໄຊ ມີໄລຍະຫ່າງຈາກຕົວເມືອງໂພນໄຊປະມານ 58 ກິໂລແມັດ(ທາງດິນແດງ) ມີອາຄານຮຽນທັງໝົດ 6 ຫຼັງ,ມີຫ້ອງຮຽນທັງໝົດ 25 ຫ້ອງ,ມີຄູ-ອາຈານ 46 ຄົນ,ຍິງ 11 ຄົນ ໃນນັ້ນຄູອາສາສະໝັກ 18 ຄົນ,ຍິງ 7 ຄົນ, ມີນັກຮຽນທັງໝົດ 890 ຄົນ, ຍິງ 375 ຄົນ. ສະເພາະເຄື່ອງທີ່ນຳມາມອບໃນຄັ້ງນີ້, ປະກອບມີເຄື່ອງນຸ່ງທົ່ວໄປ, ເສື້ອກັນໜາວ,ຜ້າຫົ່ມ,ໝອນ, ຖົງເທົ້າ ແລະ ອຸປະກອນກິລາອີກຈຳນວນໜື່ງ ລວມມູນຄ່າທັງໝົດ 10 ລ້ານກວ່າກີບ, ເຊີ່ງເຄື່ອງດັ່ງກ່າວ ແມ່ນເຄື່ອງທີ່ໄດ້ຮັບມາຈາກ ກະຊວງສຶກສາທິການ ແລະ ກິລາ ເພື່ອນຳມາແຈກຢາຍໃຫ້ນ້ອງນັກຮຽນຜູ້ທີ່ທຸກຍາກຂາດເຂີນ,ເດັກກໍ່າພ້າ,ກໍ່າພອຍ ເຂດຫ່າງໄກສອກຫຼີກ ຜູ້ດ້ອຍໂອກາດ ໃຫ້ມີອຸປະກອນຮັບໃຊ້ ແລະ ມີເຄື່ອງນຸ່ງຮົ່ມ ເພື່ອມີກຳລັງໃຈທີ່ດີໃນການຄົ້ນຄວ້າຮໍ່າຮຽນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

Image may contain: text

ໂອກາດນີ້, ທ່ານ ຊາຍສະຫວັນ ຈັນມານິດ ໄດ້ມີຄຳເຫັນໂອລົມຄູອາຈານ ຊື່ງທ່ານ ໄດ້ເນັ້ນໝັກຫຼາຍບັນຫາເປັນຕົ້ນ ວຽກງານການພັດທະນາການສຶກສາ, ບັນຫາການປະລະຂອງນ້ອງນັກຮຽນ, ການປະເມີນການຮຽນ-ການສອນ, ການຮ່ວມໂມງສອນ,ການແຕ່ງບົດສອນຂອງຄູ ນອກຈາກນີ້, ທ່ານຍັງຮຽກຮ້ອງໃຫ້ຄູອາຈານທຸກຄົນຈົ່ງເພີ່ມທະວີຄວາມຮັບຜິດຊອບສູງໃນການປະຕິບັດໜ້າທີ່ວຽກງານ,ມີຄວາມສາມັກຄີ ພ້ອມກັນຊອກຫາວິທີທາງແກ້ໄຂບັນຫາທີ່ຍັງຄ້າງຄາ,ສືບຕໍ່ປະຕິບັດຕາມແຜນຍຸດທະສາດການສຶກສາ ແລະ ຖືເອົາວຽກງານການສຶກສາອົບຮົມການເມືອງແນວຄິດໃຫ້ເປັນປົກກະຕິ ແລະ ພ້ອມກັນພັດທະນາຄຸນນະພາບການສຶກສາຂອງໂຮງຮຽນໃຫ້ມີຄຸນນະພາບ, ສ້າງໂຮງຮຽນໃຫ້ເປັນໂຮງຮຽນສີຂຽວ ແລະ ກາຍເປັນໂຮງຮຽນຕົວແບບຕາມຈຸດປະສົງທີ່ວາງໄວ້.

Image may contain: 1 person, outdoor
Image may contain: 4 people, people sitting, table and indoor
Image may contain: one or more people, people standing, sky, mountain, outdoor and nature

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here