ໃນປີ 2019 ກອງທຶນຫຼຸດຜ່ອນຄວາມທຸກຍາກ ຫຼື ທລຍ ໄດ້ສືບຕໍ່ສະໜັບສະໜູນທຶນຊ່ວຍເຫຼືອພໍ່ແມ່ປະຊາ ຊົນໃນເຂດຫ່າງໄກສອກຫຼີກຂອງເມືອງພູດອຍ ແຂວງສາ ລະວັນ ໂດຍສະເພາະແມ່ນເມືອງສະໝ້ວຍ ໃນການກໍ່ສ້າງພື້ນຖານໂຄງລ່າງ, ເອື້ອອຳນວຍຄວາມສະດວກ ແລະ ໃຫ້ປະຊາຊົນສາມາດເຂົ້າເຖີງການບໍລິການໃນດ້ານຕ່າງໆເປັນ ຕົ້ນ: ຊ່ວຍທຶນກໍ່ສ້າງຖະໜົນຫົນທາງ, ໂຮງຮຽນ, ສຸກສາ ລາ, ນ້ຳລິນ-ນ້ຳບາດານ ແລະ ອື່ນໆ, ໂດຍແມ່ນໄດ້ມີການປຶກ ສາ ຫາລືຂອງພໍ່ແມ່ປະຊາຊົນ ໃນແຕ່ລະກຸ່ມບ້ານ ເພື່ອຄັດເລືອກເອົາເປັນໂຄງການບຸລິມະສິດ ທີ່ຊຸມຊົນຕ້ອງ ການ.

ທ່ານ ສິດທິເດດ ທໍາມະລາດ ຫົວໜ້າທີມກອງທຶນຫຼຸດຜ່ອນຄວາມທຸກຍາກ ເມືອງສະໝ້ວຍ ໄດ້ລາຍງານໃຫ້ຮູ້ວ່າ: ການຈັດຕັ້ງປະຕິບັດວຽກງານກອງທຶນຫຼຸດຜ່ອນຄວາມທຸກຍາກ ຢູ່ເມືອງສະໝ້ວຍ ໃນປີ 2019 ຜ່ານມານີ້ ແມ່ນມີຜົນສໍາເລັດຕາມລະດັບຄາດໝາຍ ເຊີ່ງນອນຢູ່ໃນຮອບວຽນທີ 16 ມີທັງໝົດ 10 ໂຄງການ ມູນຄ່າ 2 ຕື້ກວ່າກີບ ແລະ ໄດ້ດຳເນີນໂຄງການ 2 ຮູບແບບ ຄື: ຊຸມຊົນເປັນເຈົ້າການໃນການຈັດຕັ້ງປະຕິບັດ 2 ໂຄງການ ແລະຮູບ ແບບຜູ້ຮັບເໝົາຈັດຕັ້ງປະຕິບັດ 8 ໂຄງການ ແລະ ປະຕິ ບັດສຳເລັດ 100%, ພ້ອມທັງວາງແຜນສືບຕໍ່ ປີ 2020.

ກອງປະຊຸມປະເມີນຜົນການຈັດຕັ້ງປະຕິບັດໂຄງການ ທລຍ ເມືອງສະໝ້ວຍ ໄດ້ຈັດຂຶ້ນໃນວັນທີ 12 ກຸມພານີ້, ຢູ່ເມືອງສະໂມສອນເມືອງ, ໂດຍການເຂົ້າຮ່ວມຂອງ ທ່ານ ປອ ປະສອນໄຊ ອິນສີຊຽງໃໝ່ ຮອງຜູ້ອຳນວຍການ ທລຍ ສູນກາງ, ມີ ທ່ານ ບາເລ ບຸນສະຫວ່າງ ຮອງເຈົ້າເມືອງໆສະໝ້ວຍ ຜູ້ຊີ້ນຳວຽກງານເສດຖະກິດ, ມີ ທ່ານ ກິພະຈັນ ໂພສາລີ ຮອງຫົວໜ້າພະແນກກະສິກຳ ແລະ ປ່າໄມ້ ທັງແມ່ນຜູ້ປະສານງານ ທລຍ ຂັ້ນແຂວງ ພ້ອມດ້ວຍຫ້ອງການທີ່ກ່ຽວຂ້ອງອ້ອມຂ້າງເມືອງ, ຜູ້ປະສານງານ ທລຍ ຂັ້ນແຂວງ, ເມືອງ ແລະ ກຸ່ມບ້ານ ເຂົ້າຮ່ວມ.

ຂ່າວ-ພາບ: ວິໄລວອນ ສິດທິໄຊ

LEAVE A REPLY

Please enter your comment!
Please enter your name here