ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ທ່ານ ພັນຄໍາ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ ໄດ້ໃຫ້ຄໍາໂອ້ລົມຕໍ່ກອງປະຊຸມວຽກງານໂຄສະນາອົບຮົມທົ່ວປະເທດ ທີ່ຈັດຂຶ້ນໃນລະຫວ່າງວັນທີ 12 – 13 ກຸມພາ 2020 ໂດຍເນັ້ນໃຫ້ເອົາໃຈໃສ່ 5 ບັນຫາ ຕໍ່ວຽກງານໂຄສະນາອົບຮົມ ເພື່ອໃຫ້ການປະຕິບັດວຽກງານການເມືອງແນວຄິດຂອງພັກໃຫ້ເກີດດອກອອກຜົນເປັນຈິງ.
ທ່ານຮອງປະທານປະເທດ ໄດ້ກ່າວວ່າ: ວຽກງານໂຄສະນາອົບຮົມເປັນວຽກງານສຳຄັນ ແລະ ຈໍາເປັນຂັ້ນພື້ນຖານໃນການສຶກສາອົບຮົມການເມືອງແນວຄິດ ເຊິ່ງໃນຊຸມປີ ຜ່ານມາ ຄະນະພັກ – ຄະນະໂຄສະນາອົບຮົມແຕ່ລະຂັ້ນໄດ້ສູ້ຊົນດໍາເນີນວຽກງານການເມືອງ – ແນວຄິດ ເວົ້າລວມ ແລະ ການໂຄສະນາ, ອົບຮົມ ເວົ້າສະເພາະ ດ້ວຍຈິດໃຈເສຍສະຫຼະ, ຜ່ານຜ່າຄວາມຫຍຸ້ງຍາກຕ່າງໆບໍ່ໜ້ອຍ ແລະ ສາມາດຍາດໄດ້ຜົນສໍາເລັດຕົວຈິງເປັນຢ່າງດີ, ປະກອບສ່ວນໂດຍກົງຮັກສາສະຖຽນລະພາບທາງການເມືອງອັນໜັກແໜ້ນ, ເຮັດໃຫ້ປະຊາຊົນສ່ວນໃຫຍ່ ຍັງສະໜັບສະໜູນ, ເຊື່ອໝັ້ນຕໍ່ພັກ ແລະ ລະບອບໃໝ່ຂອງພວກເຮົາ.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ນອກນັ້ນ, ທ່ານຍັງໄດ້ເນັ້ນຕື່ມວ່າ: ເພື່ອເຮັດໃຫ້ການເຄື່ອນໄຫວຂົງເຂດການເມືອງ – ແນວຄິດ ຫຼື ວຽກໂຄສະນາອົບຮົມໃຫ້ເກີດດອກອອກຜົນ, ວຽກງານໂຄສະນາອົບຮົມຕ້ອງເອົາໃຈໃສ່ຕື່ມ 5 ບັນຫາ ເຊັ່ນ:
1 ການເຄື່ອນໄຫວຂອງຄະນະໂຄສະນາອົບຮົມແຕ່ລະຂັ້ນ ຕ້ອງປິ່ນອ້ອມສ້າງການຫັນປ່ຽນອັນແຂງແຮງ, ເລິກເຊິ່ງ, ຮອບດ້ານ, ໂດຍສະເພາະແມ່ນໃນດ້ານຈິນຕະນາການ. ຖ້າບໍ່ມີ ຄວາມຮັບຮູ້ເຂົ້າໃຈ ຫຼື ຕື່ນຕົວແທ້ ບັນຫາທີ່ຕັ້ງຂຶ້ນໃນກອງປະຊຸມໃຫຍ່ 3 ຂັ້ນ ກໍຄືກອງປະຊຸມໃຫຍ່ ຄັ້ງທີ 11 ບໍ່ວ່າຈະເປັນເນື້ອໃນ, ບຸກຄະລາກອນ, ແຜນພັດທະນາກໍຍາກຈະບັນລຸໄດ້.
2 ຕ້ອງສຸມໃສ່ໂຄສະນາ, ສຶກສາອົບຮົມຕ້ານ, ຕີຖອຍບັນດາປາກົດການຫຍໍ້ທໍ້ຢູ່ພາຍໃນພັກ ແລະ ໃນສັງຄົມ, ຕິດພັນກັບການສ້າງສະຕິເຄົາລົບ, ປະຕິບັດລັດຖະທໍາມະນູນ, ກົດໝາຍ, ກົດລະບຽບພັກ. ພ້ອມນັ້ນ, ກໍໂຕ້ຕອບຕໍ່ຖ້ອຍທໍານອງຂອງພວກຄົນບໍ່ດີທີ່ສວຍໃຊ້ບາງປາກົດການຫຍໍ້ທໍ້ໂຄສະນາບິດເບືອນ, ໃສ່ຮ້າຍປ້າຍສີ, ໂຈມຕີຕໍ່ການນໍາພາຂອງພັກ, ຫວັງທໍາລາຍ ຄວາມເຊື່ອໝັ້ນຂອງປະຊາຊົນຕໍ່ພັກ ແລະ ລະບອບຂອງພວກເຮົາ.
3 ຄະນະໂຄສະນາອົບຮົມສູນກາງຮ່ວມກັບພາກສ່ວນອື່ນໆ ຄົ້ນຄວ້າທິດສະດີ ແລະ ພຶດຕິກໍາຂອງພັກ, ຄົ້ນຄວ້າປະຫວັດການເຄື່ອນໄຫວຂອງບັນດາທ່ານຜູ້ນໍາ, ພ້ອມທັງເອົາໃຈໃສ່ເຜີຍແຜ່ອອກສູ່ສັງຄົມໃຫ້ກວ້າງຂວາງ, ປະກອບສ່ວນສົມກຽດໃນການປັບປຸງຄວາມເຂັ້ມແຂງຂອງພັກໃນຂົງເຂດວຽກງານການເມືອງຂອງພັກ.
4 ປັບປຸງລະບົບກົງຈັກການຈັດຕັ້ງຂອງຄະນະໂຄສະນາອົບຮົມ ແຕ່ສູນກາງລົງເຖິງທ້ອງຖິ່ນໃຫ້ມີຄວາມໜັກແໜ້ນ, ເຂັ້ມແຂງສົມຄູ່ກັບພາລະບົດບາດ ແລະ ຄວາມສໍາຄັນຂອງວຽກງານນີ້, ເອົາໃຈໃສ່ສ້າງ – ຍົກລະດັບຖັນແຖວພະນັກງານທີ່ເຮັດວຽກງານໂຄສະນາອົບຮົມຂອງພັກຢ່າງເປັນລະບົບ, ຕໍ່ເນື່ອງດ້ວຍການສົມທົບສ້າງກັບວຽກງານຕົວຈິງ, ທັງສົ່ງໄປຮຽນຢູ່ພາຍໃນ ແລະ ຕ່າງປະເທດ. ໃນນີ້, ຖືສໍາຄັນການສ້າງໃຫ້ມີຖັນແຖວພະນັກງານວິຊາການທີ່ເກັ່ງ, ທີ່ຊໍານານງານດ້ານຕ່າງໆ.
5 ປັບປຸງລະບົບກົນໄກປະສານງານລະຫວ່າງຄະນະໂຄສະນາອົບຮົມສູນກາງພັກ ກັບ ຄະນະພັກຂອງກະຊວງ – ອົງການຕ່າງໆຢູ່ສູນກາງ ແລະ ກັບຄະນະພັກ ກໍຄືຄະນະໂຄສະນາອົບຮົມຂັ້ນທ້ອງຖິ່ນໃຫ້ກົມກຽວ ແລະ ວ່ອງໄວ ເພື່ອກໍາສະພາບການຫັນປ່ຽນຂອງສະພາບການ ແລະ ດ້ານແນວຄິດຈິດຕະສາດຂອງພະນັກງານ, ສະມາຊິກພັກ ກໍຄືຂອງສັງຄົມ, ເອກະພາບດ້ານການເຄື່ອນໄຫວໂຄສະນາອົບຮົມແຕ່ເທິງລົງລຸ່ມ.
---------------
ຢ່າລືມກົດຕິດຕາມເພຈ All in LAOS
------------------------------
