ໜ່ວຍພັກພະແນກພະລັງງານ ແລະ ບໍ່ແຮ່ແຂວງຫຼວງພະບາງ ຈັດກອງປະຊຸມໃຫຍ່ຄັ້ງທີ່ VI ພ້ອມເລືອກຕັ້ງຄະນະຊຸດໃໝ່

ກອງປະຊຸມໃຫຍ່ສະມາຊິກພັກໜ່ວຍພັກຮາກຖານພະແນກພະລັງງານ ແລະ ບໍ່ແຮ່ ແຂວງຫຼວງພະບາງຄັັ້ງທີ VI ໄດ້ໄຂຂື້ນ ໃນວັນທີ 12 ກຸມພາ 2020 ນີ້ທີ່ຫ້ອງປະຊຸມໄຟຟ້າລາວແຂວງຫຼວງພະບາງ(ບ້ານຂາມຢ່ອງ)ໃຫ້ກຽດເປັນປະທານຮ່ວມຂອງ ສະຫາຍ ສຸກັນບຸນຍົງ ກຳມະການປະຈຳພັກແຂວງຮອງເຈົ້າແຂວງຫຼວງພະບາງ, ສະຫາຍ ສົມໄຈ ວັນນະສີ ເລຂາໜ່ວຍພັກພະແນກພະລັງງານ ແລະ ບໍ່ແຮ່, ມີຄະນະໜ່ວຍພັກຮາກຖານໄຟຟ້າລາວ, ຄະນະໜ່ວຍພັກ, ສະມາຊິກພັກ, ຕາງໜ້າຄະນະຈັດຕັ້ງແຂວງ, ພ້ອມດ້ວຍແຂກຖືກເຊີນຈາກໜ່ວຍພັກອ້ອມຂ້າງເຂົ້າຮວ່ມ.

ໃນພິທີ ສະຫາຍ ສົມໄຈ ວັນນະສີ ເລຂາໜ່ວຍພັກພະແນກພະລັງງານ ແລະ ບໍ່ແຮ່ໄດ້ກ່າວເປີດກອງປະຊຸມ ພ້ອມທັງຜ່ານບົດສະຫຼຸບການຊີ້ນຳໆພາລວມຂອງຄະນະໜ່ວຍພັກຊຸດເກົ່າໃນ 5 ປີຜ່ານມາ ແລະ ຜ່ານທິດທາງຄາດໝາຍສູ້ຊົນ ແຕ່ນີ້ຮອດປີ 2024 ໂດຍສະເພາະແມ່ນການຈັດຕັ້ງປະບັດເນື້ອໃນມະຕິ V ຂອງໜ່ວຍພັກວາງອອກໃຫ້ປະກົດຜົນເປັນຈິງ. ຜ່ານການຈັດຕັ້ງປະຕິບັດວຽກງານໄລຍະຜ່ານມາໄດ້ຍົກໃຫ້ເຫັນຜົນງານອັນພົ້ນເດັ່ນຫຼາຍດ້ານ ເປັນຕົ້ນແມ່ນວຽກງານດ້ານການເມືອງ-ແນວຄິດ ສະມາຊິກພັກແຕ່ລະສະຫາຍໄດ້ມີແນວຄິດອຸ່ນອ່ຽນທຸ່ນທ່ຽງ, ກໍາແໜ້ນຕໍ່ແນວທາງ ແລະ ອຸດົມການຂອງພັກ, ມີຄຸນສົມບັດສິນທໍາປະຕິວັດ, ມີຄວາມສາມັກຄີ, ມີແບບແຜນເຮັດວຽກລະອຽດ, ຮູ້ຈໍາແນກມິດສັດຕູ ແລະ ເຮັດຫຼ້ອນໜ້າທີ່ຂັ້ນເທິງມອບໝາຍໃຫ້.

ປັດຈຸບັນໜ່ວຍພັກພະແນກພະລັງງານ ແລະ ບໍ່ແຮ່ມີສະມາຊິກພັກທັງໝົດ 30 ສະຫາຍ, ຍິງ 6 ສະຫາຍ ແລະ ໄດ້ເອົາໃຈໃສ່ຢ່າງຕັ້ງໜ້າໃນການກໍ່ສ້າງພັກ-ຂະຫຍາຍສະ ມາຊິກພັກ ຮັບປະກັນທາງດ້ານປະລິມານ ແລະ ຄຸນນະພາບ ຕິດພັນກັບການຈັດຕັ້ງວຽກງານວິຊາສະ ເພາະ, ເປັນເຈົ້າການເອົາໃຈໃສ່ຊຸກຍູ້ສົ່ງເສີມວຽກງານອົງການຈັດຕັ້ງມະຫາຊົນ, ເຂົ້າຮ່ວມຂະບວນການຕ່າງໆຂອງພັກ-ລັດວາງອອກ, ວຽກງານປ້ອງກັນຄວາມສະຫງົບ ແລະ ການພົວພັນຮ່ວມມືກັບຕ່າງປະ ເທດ. ພ້ອມນີ້ກອງປະຊຸມໄດ້ເປັນເອກະພາບຮັບຮອງເອົາບັນດາເນື້ອໃນສໍາຄັນຄື ຮ່າງບົດລາຍງານການ ເມືອງທັງສອງພາກ, ຮ່າງບົດສະຫຼຸບຕີລາຄາການຈັດຕັັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ( 2015-2019) ຮ່າງບົດສໍາຫຼວດການນໍາພາລວມຂອງຄະນະໜ່ວຍພັກ ແລະ ຮັບຮອງເອົາຮ່າງແຜນພັດທະນາຂະແໜງພະລັງງານ ແລະ ບໍ່ແຮ່ 5 ປີ (2020-2024) ຈາກນັ້ນກອງປະຊຸມໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່, ຜົນການດໍາເນີນກອງປະຊຸມຄັັ້ງປະຖົມມະລຶກໄດ້ ເລືອກເອົາ ສະຫາຍ ສົມໄຈ ວັນນະສີ ເປັນເລຂາໜ່ວຍພັກ, ສະຫາຍ ທອງປານ ບຸນສະນິດ ເປັນຮອງເລຂາ ແລະ ສະ ຫາຍ ມີ ໄຊພອນ ວິໄລຫົງ ເປັນຄະນະ ທັງເປັນປະທານກວດກາພັກ ເພື່ອສືບຕໍ່ຊີ້ນຳໆພາວຽກງານໃນຕໍ່ໜ້າ ໃຫ້ມີໝາກຜົນຍິ່ງໃຫຍ່ກວ່າເກົ່າ. ພ້ອມນີ້ກອງປະຊຸມຍັງໄດ້ຮັບຮອງເອົາມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການຍຸບຄະນະພັກຮາກຖານລັດວິສາຫະກິດໄຟຟ້າລາວ ສາຂາແຂວງຫຼວງພະບາງ 4 ໜ່ວຍພັກຄື: ໜ່ວຍພັກບໍລິຫານໄຟຟ້າ, ໜ່ວຍພັກເຕັກນິກ, ໜ່ວຍພັກເຂືີ່ອນໄຟຟ້ານໍ້າຄານ 2-3, ໜ່ວຍພັກຫ້ອງການຄຸ້ມຄອງລະບົບສາຍສົງ ແລະ ເຂືີ່ອນໄຟຟ້າ ແຂວງຫຼວງພະບາງ ໃຫ້ໄປຂື້ນກັບຄະນະພັກຮາກຖານພະລັງງານ ແລະ ບໍ່ແຮ່, ຮັບຮອງມະຕິຕົກລົງຂອງຄະນະປະຈໍາພັກ ວ່າດ້ວຍການຕົກລົງແຕ່ງຕັັ້ງຄະນະພັກຮາກຖານພະລັງງານ ແລະ ບໍ່ແຮ່ ຕົກລົງໃຫ້ ສະຫາຍ ສົມໄຈ ວັນນະສີ ເປັນເລຂາ, ສະຫາຍ ຟອງປະສິດ ເພັດສີສຸກ ເປັນຮອງ, ສະຫາຍ ທອງປານ ບຸນສະນິດ ເປັນຄະນະປະຈໍາພັກ, ເປັນປະທານກວດກາຄະນະພັກຮາກຖານ.

ຕອນທ້າຍ ສະຫາຍ ສຸກັນ ບຸນຍົງ ກຳມະການປະຈຳພັກແຂວງ ຮອງເຈົ້າແຂວງຫຼວງພະບາງໄດ້ໃຫ້ກຽດໂອ້ລົມ ເຊີິ່ງສະຫາຍໄດ້ໃຫ້ທິດຊີ້ນໍາຕໍ່ຄະນະພັກຮາກຖານ ແລະ ໜ່ວຍພັກຊຸດໃໝ່ໃຫ້ເອົາໃຈໃສ່ຜັນຂະຫຍາຍ ຈັດຕັັ້ງປະຕິບັດເນື້ອໃນກອງປະຊຸມໃຫຍ່ຄັັ້ງນີ້ໂດຍສະເພາະຮ່າງແຜນພັດທະນາເສດຖະກິດ-ສັງຄົມ 5 ປີ (2020-2024) ຂອງຄະນະພັກຮາກຖານພະແນກພະລັງງານ ແລະ ບໍ່ແຮ່, ເປັນເຈົ້າການໃນການຜັນຂະຫຍາຍແນວທາງນະໂຍບາຍຂອງພັກລັດຖະບານ ໃນການຫັນການຄຸັ້ມຄອງລັດດ້ວຍກົດໝາຍໃຫ້ມີຄວາມໜັກແໜ້ນເຂັ້ມແຂງ. ເອົາໃຈໃສ່ປັບປຸງແບບແຜນໃຫ້ສອດຄອງຕິດພັນກັບຍູ້ແຮງວຽກງານອົງການຈັດຄັ້ງມະຫາຊົນເຂົ້າຮ່ວມສ້າງໜ່ວຍພັກໃຫ້ປອດໃສເຂັ້ມແຂງໜັກແໜ້ນ ແລະສືບຕໍ່ນຳເອົາເນື້ອໃນມະຕິຂອງປະຊຸມຄັ້ງນີ້ໄປຈັດຕັ້ງຜັນຂະຫຍາຍໃຫ້ໄດ້ຮັບຜົນດີ ແລະ ມີຜົນສຳເລັດ.