ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ກອງປະຊຸມໃຫ່ຍ ຜູ້ແທນອົງຄະນະພັກເມືອງທົ່ງມີໄຊ ແຂວງໄຊຍະບູລີ ຄັ້ງທີ IVໄດ້ສຳເລັດລົງຢ່າງເປັນທາງການ ໃນຕອນບ່າຍຂອງວັນທີ 11 ກຸມພາ 2020 ພາຍຫຼັງໄດ້ດໍາເນີນມາເປັນເວລາ 2 ວັນເຕັມ, ຢູ່ທີ່ສະໂມສອນເມືອງ, ໂດຍພາຍໃຕ້ການເປັນປະທານຂອງສະຫາຍ ສົມພອນ ໄຊດວງຕາ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆທົ່ງມີໄຊ, ໃຫ້ກຽດເຂົ້າຮວ່ມ ຂອງສະຫາຍ ພົງສະຫັວນ ສິດທະວົງ ກໍາມະການສູນກາງພັກ ເລຂາຄະນະບໍລິຫານງານພັກແຂວງເຈົ້າແຂວງໆໄຊຍະບູລີ, ມີຄະນະປະຈໍາພັກແຂວງ, ກໍາມະການພັກແຂວງ, ຄະນະປະຈໍາພັກເມືອງ, ກໍາມະການພັກເມືອງ, ພະນັກງານອາວຸໂສບໍານານ, ນັກທຸລະກິດ, ຜູ້ປະກອບການ, ແຂກຖືກເຊີນຈາກເມືອງອ້ອມຂ້າງ ເຂົ້າຮວ່ມທັງໝົດ 107ສະຫາຍ, ຍິງ 14 ສະຫາຍ,

ກອງປະຊຸມໄດ້ຍົກສູງຄວາມຮັບຜິດຊອບ, ສຸມທຸກສະຕິປັນຍາເຂົ້າໃນການຄົ້ນຄ້ວາປະກອບຄຳເຫັນ ເຊິ່ງໄດ້ເຮັດໃຫ້ກອງປະຊຸມດຳເນີນໄປດ້ວຍບັນຍາກາດຟົດຟື້ນ ແລະ ປະສົບຜົນສຳເລັດຢ່າງສະຫງ່າງາມຕາມຈຸດປະສົງ ແລະ ລະດັບຄາດໝາຍທີ່ກອງປະຊຸມໄດ້ກຳນົດໄວ້, ກອງປະຊຸມໃຫຍ່ຄັ້ງນີ້ໄດ້ລົງປະຊາມະຕິເປັນເອກະສັນກັນຮັບຮອງເອົາເນື້ອໃນບົດລາຍງານການເມືອງທັງສອງພາກ, ແຜນພັດທະນາເສດຖະກິດ-ສັງຄົມ 5 ປີຜ່ານມາ ແລະ ທິດທາງແຜນການ 5 ປີຕໍ່ໜ້າ, ບັນດາທິດທາງລວມ ແລະ ຄາດໝາຍສູ້ຊົນຕົ້ນຕໍ ຂອງວຽກງານຈຸດສຸມແຕ່ລະດ້ານ, ຮັບຮອງເອົາບົດສຳຫຼວດການນຳພາລວມ ຂອງຄະນະບໍລິຫານງານພັກເມືອງຊຸດທີ III ໂດຍໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການຊີ້ນຳນຳພາ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ III ໃນໄລຍະຜ່ານມາ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ


ກອງປະຊຸມຄັ້ງນີ້ ຜູ້ແທນຍັງໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະບໍລິຫານງານພັກເມືອງທົ່ງມີໄຊຊຸດທີ IV ບົນພື້ນຖານຫຼັກການລວມສູນປະຊາທິປະໄຕ ຖືກຕ້ອງ ແລະ ສອດຄ່ອງກັບມາດຖານເງື່ອນໄຂທີ່ໄດ້ກໍານົດໄວ້, ເຊີ່ງມີຜູ້ອອກສະໝັກທັງໝົດ 25ສະຫາຍ 4ສະຫາຍ, ເລືອກເອົາ 21ສະຫາຍ, ກອງປະຊຸມຄັ້ງປະຖົມມະລຶກ ຂອງຄະນະບໍລິຫານງານພັກເມືອງສະໄໝທີ IV ໄດ້ເປັນເອກະສັນກັນເລືອກຕັ້ງເອົາ ຄະນະປະຈຳພັກເມືອງ ຈຳນວນ 7ສະຫາຍ, ຍິງ 1 ສະຫາຍ, ເລືອກຕັ້ງເອົາ ສະຫາຍ ສົມພອນ ໄຊດວງຕາ ເປັນເລຂາຄະນະບໍລິຫານງານພັກເມືອງ,

ເລືອກຕັ້ງເອົາ ສະຫາຍ ອາລຸນສັກ ລິນທະວົງ ແລະ ສະຫາຍ ນາງ ບົວສອນ ອິນທະວົງ ເປັນຮອງເລຂາຄະນະບໍລິຫານງານພັກເມືອງ, ເລືອກຕັ້ງເອົາ ສະຫາຍ ນາງ ບົວສອນ ອິນທະວົງ ເປັນປະທານຄະນະກວດກາພັກເມືອງ, ສະຫາຍ ທອງຫຼຽນ ອິນທະວົງ ແລະ ສະຫາຍ ແກ່ນ ອິນກອນ ເປັນຮອງປະທານຄະນະກວດກາພັກເມືອງ, ກອງປະຊຸມຍັງໄດ້ເລືອກເອົາຜູ້ແທນສົມບູນ ຈຳນວນ 13 ສະຫາຍ, ຍິງ 2ສະຫາຍ ແລະ ຜູ້ແທນສໍາຮອງຈຳນວນ 2ສະຫາຍ, ເຂົ້າຮວ່ມກອງປະຊຸມໃຫຍ່ຄັ້ງທີ VII ຂອງຜູ້ແທນອົງຄະນະພັກແຂວງໄຊຍະບູລີ.


ກອງປະຊຸມໃຫ່ຍຜູ້ແທນອົງຄະນະພັກເມືອງຄັ້ງທີ IV ຍັງໄດ້ຮັບຟັງການມີຄໍາເຫັນໂອ້ລົມ ໃຫ້ທິດຊີ້ນຳຈາກສະຫາຍ ພົງສະຫັວນ ສິດທະວົງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆໄຊຍະບູລີຕື່ມອີກ.


ຂ່າວ: ມິກລະຄອນ ຄຳມຸນທາ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here