ວັນທີ 10 ກຸມພາ 2020
ມສ ລຽວໂຕ ລະດົມທຶນປະກອບສ່ວນປ້ອງກັນການລະບາດຂອງພະຍາດ NCOV

ຄະນະບໍລິຫານ ຄູ-ອາຈານໂຮງຮຽນ ມສ ລຽວໂຕ ແລະ ກຸ່ມໂຮງ ຮຽນສອນ ແລະ ຮຽນພາສາຈີນ ຮ່ວມໃຈກັນລະດົມທຶນ ເພື່ອປະ ກອບສ່ວນປ້ອງກັນການລະບາດຂອງພະຍາດອັກເສບປອດຮຸນ ແຮງ ທີ່ເກີດຈາກເຊື້ອຈຸລະໂລກ (NCOV) ຢູ່ ສປ ຈີນ ພາຍຫຼັງໄດ້ມີການລະບາດຢູ່ເມືອງອູຫັ້ນ ແຂວງຫູເປີຍ ສປ ຈີນ ແຕ່ທ້າຍປີ 2019 ເປັນຕົ້ນມາ ແລະ ແຜ່ລາມໄປຫຼາຍແຂວງຂອງ ສປ ຈີນ ແລະ ຫຼາຍປະເທດໃນໂລກ ໃນປັດຈຸບັນ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ການລະດົມທຶນຄັ້ງນີ້ ຈັດຂຶ້ນວັນທີ 8 ກຸມພາ 2020 ຢູ່ໂຮງຮຽນດັ່ງກ່າວ ໂດຍມີ ທ່ານ ສົມປະສົງ ຈັນທະວົງ ປະທານໂຮງຮຽນ ມສ ລຽວໂຕ ປະທານກຸ່ມໂຮງຮຽນສອນ ແລະ ຮຽນພາສາຈີນ ທ່ານ ໄຊປະ ເສີດ ຕັງຊະນະ ຮອງປະທານໂຮງຮຽນ ມສ ລຽວໂຕ ຮອງປະທານກຸ່ມໂຮງຮຽນສອນ ແລະ ຮຽນພາສາຈີນ ທ່ານ ບຸນສົງ ສະຫວັນວາລີ ຮອງປະທານໂຮງຮຽນ ມສ ລຽວໂຕ ເລຂາທິ ການກຸ່ມໂຮງຮຽນສອນ ແລະ ຮຽນພາສາຈີນ ພ້ອມດ້ວຍຄູ-ອາ ຈານ ເຂົ້າຮ່ວມ.

ຜ່ານການລະດົມທຶນ ສາມາດຮວບຮວມເງິນໄດ້ທັງໝົດ 100 ລ້ານກີບ ເຊິ່ງເງິນຈໍານວນນີ້ ຈະນໍາໄປມອບໃຫ້ລັດຖະບານ ສປປ ລາວ ນໍາໄປມອບຕໍ່ໃຫ້ລັດຖະບານ ສປ ຈີນ ນໍາໃຊ້ເຂົ້າໃນການປ້ອງກັນການລະບາດຂອງພະຍາດພະຍາດອັກເສບປອດຮຸນແຮງ ທີ່ເກີດຈາກເຊື້ອຈຸລະໂລກ (NCOV) ຢູ່ ສປ ຈີນ.

ໂດຍ: ວຽງຈັນໃໝ່

LEAVE A REPLY

Please enter your comment!
Please enter your name here