ໃນໄລຍະ 2ເດືອນຕໍ່ໜ້າ ສະພາບຝົນຕົກຈະມີໜ້ອຍ ເຮັດໃຫ້ລະດັບນໍ້າສືບຕໍ່ແຫ້ງລົງຢ່າງຕໍ່ເນື່ອງ ຈະເກີດມີໄພແຫ້ງແລ້ງຢູ່ບາງທ້ອງຖິ່ນເຂດພາກເໜືອ ແລະ ພາກກາງ, ພ້ອມເຝົ້າລະວັງໃຫ້ດີ ໄລຍະດຽວກັນອາກາດຈະຮ້ອນເອົ້າຫຼາຍ ອາດເກີດມີພາຍຸລະດູຮ້ອນ ທີ່ມາໃນລັກສະນະຝົນຕົກ, ຟ້າຮ້ອງ, ຟ້າເຫຼື້ອມ, ຟ້າຜ່າ, ໝາກເຫັບຕົກ ແລະ ລົມພັດແຮງ.
ແລະ ອຸທົກກະສາດ, ກະຊວງຊັບພະຍາກອນ ແລະ ສິ່ງແວດລ້ອມ ຄາດຄະເນປະລິມານນໍ້າຝົນປະຈໍາເດືອນ ກຸມພາ-ມີນາ-ເມສາ ໄວ້ໃນບົດລາຍງານສະພາບອາກາດປະຈໍາເດືອນ ມັງກອນ 2020 ແລະ ຄາດຄະເນສະພາບອາກາດປະຈໍາເດືອນ ກຸມພາ-ມີນາ-ເມສາ 2020 ເລກທີ 0183/ກອຕທ ລົງວັນທີ 10 ກຸມພາ 2020 ໃຫ້ຮູ້ວ່າ:
ໃນໄລຍະ 2ເດືອນຕໍ່ໜ້າສະພາບຝົນຍັງຈະຕົກໜ້ອຍ, ເຊິ່ງຈະເຮັດໃຫ້ລະດັບນໍ້າ ແລະ ສາຂາສືບຕໍ່ແຫ້ງລົງຢ່າງຕໍ່ເນື່ອງ ພ້ອມດຽວກັນກໍ່ຈະເກີດມີສະພາບແຫ້ງແລ້ງຢູ່ບາງທ້ອງຖິ່ນແຂວງພາກເໜືອ ແລະພາກກາງ.ຂະນະດຽວກັນໃນບົດລາຍງານຍັງມີຄໍາເຕືອນເຝົ້າລະວັງ ໃນໄລຍະທ້າຍເດືອນມີນາ ຫາ ເມສາ ແມ່ນໄລຍະທີ່ມີອາກາດຮ້ອນເອົ້າຫຼາຍ, ເຊິ່ງມັກຈະເກີດມີພາຍຸລະດູຮ້ອນ ໃນລັກສະນະຝົນຕົກ, ຟ້າຮ້ອງ, ຟ້າເຫຼື້ອມ, ຟ້າຜ່າ, ໝາກເຫັບຕົກ ແລະ ລົມພັດແຮງຢູ່ຕາມບາງທ້ອງຖິ່ນ ໃນໄລຍະທ້າຍຕອນບ່າຍຫາ ຄໍ່າ ເຊິ່ງຈະເຮັດໃຫ້ມີຕົ້ນໄມ້ຫັກລົ້ມ, ເສົາໄຟຟ້າລົ້ມ ແລະ ເຮືອນເປ່ເພ.
ວັງຕົວຕໍ່ສະພາບອາກາດຮ້າຍແຮງດັ່ງກ່າວ ທີ່ອາດຈະເກີດຂຶ້ນໄດ້ໃນໄລຍະເດືອນມີນາ ຫາ ເມສາ; ພ້ອມນີ້ ກໍ່ຄວນມີການວາງແຜນນໍາໃຊ້ນໍ້າຢ່າງປະຢັດ ພ້ອມທັງໃຫ້ຕິດຕາມການລາຍງານສະພາບອາກາດ ແລະ ລະດັບນໍ້າ ຈາກກກົມອຸຕຸນິຍົມ ແລະ ອຸທົກກະສາດເປັນປະຈໍາ.
---------------
ຢ່າລືມກົດຕິດຕາມເພຈ All in LAOS
------------------------------
