ຈາກການລາຍງານຂອງ ເວັບໄຊ shine.cn ເວລາ 15:00 ວັນທີ 9 ກຸມພາ 2020
ເສຍຊີວີດ: 909 ຄົນ ເຊິ່ງມີຜູ່ຕິດເຊື້ອທັງໝົດທີ່ໄດ້ຮັບການຢືນຢັນທາງການແມ່ນ 40246 ຄົນ, ພ້ອມດຽວກັນນັ້ນ ກໍ່ມີຕົວເລກ ຜູ່ທີ່ ໄດ້ຮັບການປິ່ນປົວ ດີ 3383 ຄົນ
ສ່ວນປະເທດລາວ ຍັງປອດຜູ່ຕິດເຊື້ອ. ສາທາຢືນຢັນ ແຂວງຜົ້ງສາລີ ບໍ່ມີຜູ້ຕິດເຊື້ອໄວຣັດໂຄໂຣນາ ຕາມທີ່ມີຂ່າວອອກຕາມສື່ອອນລາຍ. ໂດຍ ທ່ານນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຢືນຢັນວ່າ ກໍລະນີ ມີຂ່າວອອກທາງສື່ອອນລາຍ ວ່າ“ແຂວງຜົ້ງສາລີ ມີກໍລະນີສົງໄສຕິດເຊື້ອໄວຣັດໂຄໂຣນາ ຈຳນວນ 27 ຄົນ ແລະ ເສຍຊີວິດ 3 ຄົນ ແມ່ນບໍ່ເປັນຄວາມຈິງ.
ຕໍ່ກັບບັນຫາດັ່ງກ່າວ, ສູນວິເຄາະ ແລະ ລະບາດວິທະຍາ, ກະຊວງສາທາລະນະສຸກ ໄດ້ມີການປະຊຸມດ່ວນທາງໂທລະສັບ ເພື່ອສອບສວນຄືນ ກ່ຽວກັບສະພາບການດັ່ງກ່າວ ແລ້ວພົບວ່າ ມີຄົນເຈັບຈຳນວນ 27 ຄົນ ທີ່ເຂົ້າກັບອາການຄ້າຍຄືໄຂ້ຫວັດໃຫ່ຍ ເຊິ່ງໃນຈໍານວນດັ່ງກ່າວນີ້ ມີການເສຍຊິວິດ 3 ຄົນ (ສາເຫດການເສຍຊີວິດ ນັ້ນແມ່ນບໍ່ມີຄວາມກ່ຽວຂ້ອງກັບ ເຊື້ອໄວຣັດໂຄໂຣນາ).
ສຳລັບ ຂ່າວລືວ່າມີການເສຍຊີວິດ 6 ກໍລະນີ ຢູ່ໃນເຂດຍົກຍ້າຍນໍ້າອູ 7 ແມ່ນບໍ່ມີຄວາມຈິງ, ທີມງານໄດ້ລົງສຳຫລວດຄືນ ແລະ ພົບວ່າ ໃນບ້ານມີ 3 ກໍລະນີ ທີ່່ມີອາການຄ້າຍຄືໄຂ້ຫວັດ ແລະ ໄດ້ເກັບຕົວຢ່າງເພື່ອມາກວດ
ຜູ່ຕິດເຊື້ອໃນປະເທດຕ່າງໆ
ວິທີການປ້ອງກັນທີ່ທ່ານຄວນຮູ້
