ລາຍງານຈາກ ປະຊາຊົນໃຫ້ຮູ້ວ່າ ສາມາດ ຕາມຈັບຕົວຜູ່ກໍ່ເຫດ ຄາດຕະກໍາ ໄດ້ແລ້ວ ໃນຕອນຄໍ່າ ມື້ດຽວກັນ 9/2/2020, ກໍລະນີເຫດ ຄາດຕະກໍາ ທີ່ເຂດບ້ານໂພນຈະເລີນ ແຖວໂຮງຮຽນ ມໍ ຕົ້ນໂພນຈະເລີນ, ບ້ານໂພນຈະເລີນ ຄຸ້ມໂພນສິ, ເມືອງປາກກະດິງ, ແຂວງບໍລິຄຳໄຊ.
ຂໍ້ມູນເພີ່ມເຕີມ ຈາກ ໜ່ວຍກູ້ໄພເຈົ້າໂຕ່ງປາກກະດີງ ໃຫ້ຮູ້ວ່າ: ຈຸດທີ່ເກີດເຫດຄາດຕະກໍາ ແມ່ນ ບ້ານໂພນຈະເລີນ, ເມືອງປາກກະດິງ, ແຂວງບໍລິຄຳໄຊ ຜູ່ເສຍຊີວິດ ເປັນເພດຊາຍອາຍຸປະມານ 25 ປີ ຊື່ ທ້າວພັດ ຫຼວງລາດ, ຄົນທີ່ໄປນຳແມ່ນໃສເສື້ອຢຶດສີຂາວໂສ້ງຢີ່ນສີຟ້າແກ່. ພົບເຫັນສົບຜູ່ເສຍຊີວິດ ໃນໂຮງຮຽນມັດທະຍົມໂພນສີແຖວເສັ້ນທາງຂ້າງເດີ່ນບານ.
ອິງຕາມເຫດການທີ່ເລົ່າຈາກໝູ່ຂອງຜູ້ຕາຍແມ່ນວ່າ: ພວກກ່ຽວແມ່ນຢູ່ນຳກັນ 3 ຄົນຜູ້ຕາຍແລະໝູ່ຄູ່ ເຊິ່ງໄດ້ຂີ່ລົດມາຈາກວຽງຈັນ ເພື່ອມາຢາມບ້ານ. ໂດຍຜູ້ຕາຍໄດ້ໃຊ້ລົດຈັກ R15 ສີຟ້າ, ພໍມາຮອດບ້ານໂພນສີ ກໍ່ໄດ້ຊວນກັນມາຖ່າຍຮູບແຖວໂຮງຮຽນໃກ້ກັບຈຸດເກີດເຫດ.
ຫຼັງຈາກນັ້ນກໍ່ໄດ້ພາກັນມາຕະຫຼາດເພື່ອຊື້ເຄື່ອງກິນ ແລະ ເບຍກັບໄປກິນຢູ່ເຮືອນໝູ່. ພໍກັບມາກໍ່ພາກັນກິນດື່ມຈົນເບຍໝົດຈື່ງໃຫ້ໝູ່ສອງຄົນອອກໄປຊື້. ແຕ່ພໍກັບມາໃກ້ຈະຮອດບ້ານ, ກໍ່ເຫັນຜູ້ຕາຍໄດ້ຂີ່ລົດອອກໄປກັບຜູ້ຊາຍເຊິ່ງເປັນພີ່ນ້ອງຂອງຄົນທີ່ອອກໄປຊື້ເບຍ, ເຊິ່ງທັງສອງແມ່ນບໍ່ຮູ້ຈັກກັນມາກ່ອນເລີຍ.
ພໍເຫັນວ່າຜູ້ຕາຍອອກໄປ, ໝູ່ເລີຍໂທຫາແຕ່ບໍ່ຮັບ, ດົນເຕີບເລີຍອອກໄປຊອກແຕ່ກໍ່ບໍ່ເຫັນເລີຍກັບມາບ້ານເພື່ອລໍຖ້າ. ໄດ້ 10 ນາທີແລ້ວອອກໄປຊອກອີກພໍຂີ່ຊອກມາຮອດຈຸດເກີດເຫດກໍ່ມີຄົນ ແລະ ເຈົ້າໜ້າທີ່ຢູ່ແລ້ວເລີຍໄດ້ຖາມເຖິງລັກສະນະຮູບປະພັນຈື່ງໃດ້ຮູ້ວ່າເປັນໝູ່ຂອງຕົນ. ແຕ່ພີ່ນ້ອງທີ່ຂີ່ລົດມານຳກັນແມ່ນບໍ່ເຫັນພ້ອມກັບລົດເລີຍ.
ຊົມເຊີຍເຈົ້າໜ້າທີ່
ລາຍງານໂດຍ: ຄໍາແສງ ກົງພູທອງ
---------------
ຢ່າລືມກົດຕິດຕາມເພຈ All in LAOS
------------------------------
