ຜົ້ງສາລີ ລາຍງານທາງການ ກໍລະນີສົງໄສ ໄວຣັດໂຄໂຣນາ

ແຂວງຜົ້ງສາລີ ມີຜູ້ຕ້ອງສົງໄສຕິດໄຂ້ໂຄໂຣນາຈຳນວນ 24 ຄົນ

ພະແນກສາທາລະນະສຸກແຂວງຜົ້ງສາລີຢືນຢັນໃນວັນທີ 7.02.2020 ນີ້ວ່າ: ເພື່ອບໍ່ໃຫ້ສັງຄົມແຕກຕື່ນ ແລະກັງວົນຕໍ່ສະພາບການລະບາດຂອງພະຍາດອັກເສບປອດເຊື້ອຈຸລະໂລກສາຍພັນໃຫ່ມ (Corona virus-ncov) ເວົ້າລວມ ເວົ້າສະເພາະ, ຕໍ່ກັບຂໍ້ມູນພາບຂ່າວ ທີ່ທາງກຸ່ມຄົນຈຳນວນໜຶ່ງໄດ້ລົງໃນທາງ Faceebook ວ່າຢູ່ແຂວງຜົ້ງສາລີ, ພະຍາດໂຄໂຣນາໄວຣັດມາຮອດ ບ້ານຢາວຟາງ ແລະບ້ານຕ່າແສນຜົ້ງ ເມືອງຜົ້ງສາລີ ແຂວງຜົ້ງສາລີແລ້ວ ປລະມີຜູ້ເສຍຊີວິດແລ້ວ 4 ຄົນ, ກວດພົບຜູ້ຕ້ອງສົງໄສຕິດໄວຣັດໂຄໂຣນາ 26 ຄົນ ປັດຈຸບັນສົ່ງຕົວຢ່າງໄປວິໄຈຢູ່ວຽງຈັນແລ້ວ. ນອກຈາກນັ້ນຢູ່ເຄື່ອນໄຟຟ້ານ້ຳອູ 7 ຕາຍຈຳນວນ 6 ຄົນ ນັ້ນແມ່ນບໍ່ມີມູນຄວາມຈິງ.

ຕໍ່ຂໍ້ມູນສະພາບດັ່ງກ່າວພະແນກສາທາລະນະສຸກແຂວງຂໍຊີ້ແຈງດັ່ງນີ້:

1. ໃນວັນທີ 3 ກຸມພາ 2020 ພະແນກສາທາລະນະສຸກແຂວງ ໄດ້ແຕ່ງຕັ້ງທີມງານວິຊາການເຝົ້າລະວັງ ແລະໂຕ້ຕອບຕໍ່ລະບາດພະຍາດ ໂດຍສົມທົບກັບທີມງານຂອງໂຮງຫມໍແຂວງ ຫ້ອງການສາທາລະນະສຸກເມືອງຜົ້ງສາລີ ແລະສຸກສາລາ ຢາວຟາງ, ລົງເກັບກຳຄົນເຈັບແຕ່ລະກໍລະນີ ພ້ອມທັງເກັບໂຕຢ່າງຢູ່ບ້ານ ຕ່າແສນຜົ້ງ, ເມືອງຜົ້ງສາລີ ເພື່ອສົ່ງໄປວິໄຈຢູ່ສູນວິເຄາະລະບາດວິທະຍາ (ນະຄອນຫລວງວຽງຈັນ) ລາຍລະອຽດຂໍ້ມູນຄວາມຈິງຄື: ກວດຄົນເຈັບ 24​ ຄົນ ເກັບຕົວຢ່າງຕ້ອງສົງໄສທັງຫມົດ 6 ຄົນ ສົ່ງໄປວິໄຈຢູ່ສູນວິເຄາະລະບາດວິທະຍາ ນະຄອນຫລວງວຽງຈັນທັງໝົດທັງ 6 ຕົວຢ່າງ ປັດຈະບັນນີ້ຍັງບໍ່ໄດ້ຮັບຜົນວິໄຈເທື່ອ (ຍັງລໍຖ້າຜົນຢູ່)

ໃນຊ່ວງມີພະຍາດໂຄໂຣນາລະບາດ (Corona virus-ncov) ນີ້ ຢູ່ບ້ານຕ່າແສນຜົ້ງ ເມືອງຜົ້ງສາລີ ແມ່ນມີຄົນເສຍຊີວິດແທ້ ທັງໝົດ 3 ຄົນ ໃນນີ້ຜູ້ທີ່ຫນຶ່ງ ຊື່: ນາງ ອາຊື່ ອາຍຸ 32 ປີ ອາຊີບປະຊາຊົນ ເລີ່ມເຈັບວັນທີ່ 21 ທັນວາ 2019 ດ້ວຍການໄຂ້, ໄອ, ອິດເມື່ອຍ, ໄດ້ໄປປິ່ນປົວຢູ່ໂຮງຫມໍນ້ອຍ ໃນວັນທີ 28 ແລ້ວສົ່ງຕໍ່ໄປປິ່ນປົວຢູ່ໂຮງຫມໍແຂວງໃນວັນທີ 29 ແລະຕໍ່ມາເສຍຊີວິດໃນວັນທີ 30 ມັງກອນ 2020. ຜູ້ທີສອງ ຊື່: ນາງ ເມືອຍຊຽງ ອາຍຸ 27 ປີ, ອາຊີບປະຊາຊົນ ເລີ່ມເຈັບວັນທີ 30 ທັນວາ 2019 ດ້ວຍອາການອິດເມື່ອຍ ແລະວິນຫົວ ບໍ່ໄດ້ໄປປິ່ນປົວຢູ່ໃສ ເສຍຊີວິດໃນວັນທີ 25 ມັງກອນ 2020 ແລະຜູ້ທີສາມ ຊື່: ທ້າວ ອາແມ້ເອີ ອາຍຸ 1 ເດືອນກັບ 14 ມື້ ເລີ່ມເຈັບວັນທີ 12 ມັງກອນ 2020 ແລະເສຍຊີວິດໃນວັນທີ 14 ມັງກອນ 2020 ດ້ວຍອາການໄອ ແລະໄຂ້ ບໍ່ໄດ້ໄປປິ່ນປົວຢູ່ໃສ

ສ່ວນຂ່າວລືວ່າມີຜູ້ເສຍຊີວິດຈຳນວນ 6 ຄົນ ຢູ່ເຂື່ອນໄຟຟ້ານ້ຳອູນັ້ນບໍ່ມີມູນຄວາມຈິງ

ສ່ວນຂ່າວລືວ່າມີການລະບາດຢູ່ບ້ານຢາວຟາງນັ້ນກໍ່ບໍ່ມີມູນຄວາມຈິງ

LEAVE A REPLY

Please enter your comment!
Please enter your name here

Stay in Touch

To follow the best weight loss journeys, success stories and inspirational interviews with the industry's top coaches and specialists. Start changing your life today!

Related Articles