ທ່ານ ທອງ​ລຸນ ສີ​ສຸລິດ ນາ​ຍົກ​ລັດ​ຖະ​ມົນ​ຕີ​ແຫ່ງ​ ສ​ປ​ປ​ ລາວ ໄດ້​ໃຫ້​ທິດ​ຊີ້​ນຳ​ຕໍ່​ກອງ​ປະ​ຊຸມ​ເປີດກວ້າງ​ສະຫຼຸບ​ຕີ​ລາ​ຄາ, ຖອດ​ຖອນ​ບົດ​ຮຽນ, ການ​ຈັດ​ຕັ້ງປະ​ຕິ​ບັດ​ແຜນ​ພັດ ທະ​ນາ​ພະ​ລັງງານ ແລະ ບໍ່ ແຮ່​ ໃນ​ໄລ​ຍະ 5 ປີ​ຄັ້ງ​ທີ VIII (2016-2020) ໃນ​ວັນ​ທີ 5 ກຸມ​ພານີ້  ທີ່​ຫໍ​ປະ​ຊຸມ​ແຫ່ງ​ຊາດ  ນະ​ຄອນຫຼວງວຽງ​ຈັນ​ ໂດຍ​ມີ​ລັດ​ຖະ​ມົນ​ຕີ, ຮອງ​ລັດ​ຖະ​ມົນ​ຕີ, ຫົວ​ໜ້າ​ກົມ, ຮອງ​ກົມ ແລະ  ຫົວ​ໜ້າ​ພະ​ແນກ​ຂອງ​ກະ​ຊວງ​ພະ​ລັງ​ງານ ແລະ ບໍ່​ແຮ່ (ພບ) ຢູ່​ບັນ​ດາ​ແຂວງ ແລະ ນະ​ຄອນ ຫຼວງ​ເຂົ້າ​ຮ່ວມ.

ໃນນັ້ນນາຍົກໃດ້ເນັ້ນໃຫ້ເອົາໃຈໃສ່ການຄຸ້ມຄອງເພື່ອຮັບປະກັນຄວາມປອດໄພຂອງເຂື່ອນ ໄຟຟ້າໃນໄລຍະທີ່ຜ່ານມາ. ຈາກສະພາບທີ່ເກີດຂຶ້ນ ແລະ ກໍ່ຜົນເສຍຫາຍໃນໄລຍະ ທີ່ຜ່ານມາໄດ້ຊີ້ບອກບົດຮຽນ ໃຫຍ່ທີ່ພວກເຮົາຈະຕ້ອງໄດ້ ເອົາໃຈໃສ່ ແລະ ໃນກອງປະ ຊຸມເທື່ອນີ້,​ ພວກສະຫາຍກໍໄດ້ຕັ້ງເປັນບັນຫາສຳຄັັນ, ໂດຍໄດ້ສະຫຼຸບ, ຖອດຖອນ ບົດຮຽນ, ວິທີການຄຸ້ມຄອງ ແລະ ວາງມາດຕະການເພື່ອ ຈັດຕັ້ງປະຕິບັດວຽກງານກວດ ກາເຂື່ອນທີ່ຮັດກຸມ ແລະ ມີ ມາດຕະຖານສາກົນແລ້ວ.
    ຂ້າພະເຈົ້າໄດ້ມີຄຳເຫັນ ຢູ່ໃນກອງປະຊຸມເທື່ອກ່ອນວ່າ: ເມື່ອຮອດທ້າຍປີ 2020 ແລະ ຮອດປີ 2025 ໂຄງການ ກໍ່ສ້າງເຂື່ອນໄຟຟ້າຄາດວ່າຈະ ສໍາເລັດຫຼາຍໂຄງການ. ໃນນີ້, ນັບທັງໂຄງການລະດັບໃຫຍ່ໆ. ສະນັ້ນ, ຂ້າພະເຈົ້າຍັງຂໍຢໍ້າວ່າ: ຄຽງຄູ່ກັບການກວດກາ, ກວດສອບບັນດາເຂື່ອນທີ່ດຳເນີນ ການຜະລິດເປັນປົກກະຕິແລ້ວ, ຕ້ອງເອົາໃຈໃສ່ເປັນພິເສດ, ເຂື່ອນທີ່ຫາກໍສຳເລັດການກໍ່ ສ້າງ, ກ່ອນການນຳໃຊ້ເຂົ້າສູ່ ການຜະລິດຢ່າງເປັນທາງການ, ຂະແໜງພະລັງງານ ແລະ ບໍ່ແຮ່ ຕ້ອງມີແຜນລະອຽດ ແລະ ສົົມທົບກັບພາກສ່ວນທີ່ກ່ຽວຂ້ອງ ພ້ອມກັນກວດກາໃຫ້ຊັດເຈນ  ໂດຍສະເພາະແມ່ນການຈັດຕັ້ງ ການກວດສອບ ແລະ ກວດກາຄວາມປອດໄພຂອງເຂື່ອນ ໃນທຸກໆຂັ້ນຕອນ. ນອກ ຈາກນີ້, ກໍຕ້ອງເອົາໃຈໃສ່ຕິດ ຕາມຄຸ້ມຄອງມາດຕະຖານ ເຕັກນິກ ເພື່ອຮັບປະກັນສຳ ລັບເຂື່ອນທີ່ພວມກໍ່ສ້າງ ແລະ ພວມຈະກໍ່ສ້າງອີກດ້ວຍ. 

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ກ່ຽວກັບການບໍລິຫານນໍ້າ ຜ່ານມາ ລັດຖະບານໄດ້ຊີ້ນຳ ແລະ ມອບໝາຍໃຫ້ກະຊວງ ພະລັງງານ ແລະ ບໍ່ແຮ່ ເອົາ ໃຈໃສ່ຕິິດຕາມກວດກາສະ ພາບການຄຸ້ມຄອງ-ບໍລິຫານ ແລະ ການຈັດການນໍ້າຢູ່ແຕ່ລະເຂື່ອນຜະລິດໄຟຟ້າໃນ ທົ່ວປະເທດແລ້ວ, ເພື່ອຮັບປະ ກັນໃຫ້ແຕ່ລະເຂື່ອນແຕ່ລະແຫ່ງ ມີຄວາມໝັ້ນຄົງ-ປອດ ໄພ, ສາມາດຮອງຮັບສະພາບ ດິນຟ້າອາກາດ  ແລະ ໄພພິ ບັດທີ່ອາດຈະເກີດຂຶ້ນໄດ້ທຸກ ເວລາ. ສະນັ້ນ, ສະເໜີໃຫ້ສືບ ຕໍ່ຈັດຕັ້ງ ຄຸ້ມຄອງວຽກງານນີ້ ໃຫ້ມີຄຸນນະພາບ ແລະ ບໍ່ເກີດ ຜົນກະທົບບໍ່ວ່າໃນກໍລະ ນີໃດໆ.


     ການຄຸ້ມຄອງ-ບໍລິຫານ- ການຈັດການນໍ້າຢູ່ບັນດາ ເຂື່ອນຜະລິດໄຟຟ້າຕ້ອງປະ ສານສົມທົບກັນຢ່າງ  ແໜ້ນແຟ້ນ ກັບພາກສ່ວນທີ່ກ່ຽວຂ້ອງເຊັ່ນ: ກະຊວງຊັບພະຍາກອນທຳ ມະຊາດ ແລະ ສິ່ງແວດລ້ອມ, ກະຊວງກະສິກໍາ ແລະ ປ່າ ໄມ້, ກະຊວງໂຍທາທິການ ແລະ ຂົນສົ່ງ ແລະ ບັນດາ ແຂວງ ທີ່ມີໂຄງການເຂື່ອນໄຟ ຟ້າຕັ້ງຢູ່ເພື່ອຕິດຕາມ, ກວດກາ ສະພາບການຄຸ້ມຄອງ-ບໍລິ ຫານ-ຈັດການນໍ້າຂອງແຕ່ ລະເຂື່ອນໄຟຟ້າຢ່າງໃກ້ຊິດ. 


     ແຕ່ລະເຂື່ອນຕ້ອງເອົາ ໃຈໃສ່ປັບປຸງການຈັດຕັ້ງ ແລະ ການເຄື່ອນໄຫວຂອງ  “ຄະ ນະກຳມະການ“  ຊຶ່ງພວກເຮົາ ສ້າງຂຶ້ນເພື່ອເຮັດໜ້າທີ່ເປັນ ເສນາທິການໃຫ້ກະຊວງໃນ ການ ຕິດຕາມກວດກາ ແລະ ​ຄຸ້ມ​ຄອງ​ວຽກງານດັ່ງກ່າວ  ຊຶ່ງໜ່ວຍ ງານທີ່ຮັບຜິດຊອບວຽກງານນີ້ ຕ້ອງຕິດຕາມສະພາບອາກາດ ແລະ ເຝົ້າລະວັງຕະຫຼອດ  24 ຊົ່ວໂມງ, ມີລະບອບແຈ້ງເຕືອນ ແລະ ຕິດຕາມລະດັບນໍ້າຂຶ້ນ-ລົງ ຢູ່ຕາມສາຍນໍ້າໃຕ້ເຂື່ອນ ແລະ ຕ້ອງຈັດຕັ້ງໜ່ວຍງານ ແກ້ໄຂໄພພິບັດສຸກເສີນຢູ່ຂັ້ນ ບ້ານ, ຂັ້ນເມືອງ  ແລະ ຂັ້ນ ແຂວງບ່ອນທີ່ມີເຂື່ອນຕັ້ງຢູ່. 


    ແຕ່ລະເຂື່ອນຈະຕ້ອງ ຮັບປະກັນການປ່ອຍນໍ້າອອກ ຈາກແຕ່ລະເຂື່ອນ ໂດຍສະ ເພາະໃນລະດູຝົນເພື່ອບໍ່ໃຫ້ກໍ່ຜົນເສຍຫາຍແກ່ຊີວິດ,ຊັບ ສິນ, ສັດລ້ຽງ ແລະ ຜົນຜະລິດ ຂອງປະຊາຊົນຢູ່ກ້ອງເຂື່ອນ. ຄະນະກຳມະການນີ້, ມີໜ້າ ທີ່ຕິດຕາມ, ກວດກາ, ກຳ ໜົດແຜນ, ລະດັບ, ວິທີການ ເພື່ອປ່ອຍນໍ້າ.ໃນນີ້, ເອົາໃຈ ໃສ່ເປັັນພິເສດ, ການປຶກສາ ຫາລື, ປະສານສົມທົບກັບ ຂະແໜງການ ແລະ ອົງການ ປົກຄອງທ້ອງຖິ່ນທີ່ກ່ຽວຂ້ອງ ກ່ອນການປ່ອຍນໍ້າ.

LEAVE A REPLY

Please enter your comment!
Please enter your name here