ສະຫາຍ ຄຳໄຕ ສີພັນດອນ ອາດີດ ເລຂາທິການໃຫຍ່ ຄະນະບໍລິຫານ ງານສູນກາງພັກ, ອາດີດປະທານປະເທດ ແຫ່ງ ສປປ ລາວ ໄດ້ໂອ້ລົມພະນັກ ງານຫຼັກແຫຼ່ງຢູ່ແຂວງ ອັດຕະປື ພິທີຕອນຮັບ ໄດ້ມີຂຶ້ນໃນວັນທີ 5 ກຸມພາ 2020, ຢູ່ທີ່ຫ້ອງວ່າການ ແຂວງ ໂດຍມີການ ນຳແຂວງ, ເມືອງ, ພະແນກການ ແລະ ພະ ນັກງານວິຊາການພາຍໃນແຂວງ ເຂົ້າຮ່ວມ.


ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງໆ ອັດຕະປື ໄດ້ລາຍງານສະພາບ ການພັດທະນາເສດຖະກິດ-ສັງ ຄົມຂອງແຂວງໃນໄລຍະ 1 ປີ ຜ່ານມາ ເປັນຕົ້ນແມ່ນການແກ້ໄຂ ຄວາມທຸກຍາກ, ການຟື້ນຟູຊີວິດການເປັນຢູ່ຂອງປະຊາຊົນຜູ້ຖືກຜົນກະທົບຢູ່ເມືອງ ສະໜາມໄຊ, ວຽກງານປ້ອງ ກັນຊາດ-ປ້ອງກັນຄວາມສະ ຫງົບ, ວຽກງານສຶກສາອົບຮົມ ການເມືອງ-ນຳພາແນວຄິດໃຫ້ ພະນັກງານ-ລັດຖະກອນພາຍ ໃນແຂວງ ມີຄວາມສະຫງົບ ໂດຍພື້ນຖານ ທັງໄດ້ພ້ອມກັນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຂອງພັກຢ່າງມີຜົນສຳເລັດໃນຫຼາຍດ້ານ.

Featured Your Business Here


ພ້ອມນີ້ ສະຫາຍ ອາດດີດ ເລຂາທິການໃຫຍ່ ອາດີດປະທານປະເທດ ກໍໄດ້ມີຄຳຄິດ ເຫັນຊີ້ນຳ ໂອ້ລົມ ເຊິ່ງໄດ້ເນັ້ນໃຫ້ ເອົາໃຈໃສ່ແກ້ໄຂຊີວິດການເປັນ ຢູ່ຂອງປະຊາຊົນຜູ້ຖືກຜົນກະທົບຈາກສັນເຂື່ອນ ເຊປຽນ-ເຊນ້ຳນ້ອຍແຕກຢູ່ເມືອງ ສະໜາມໄຊ ໃຫ້ກັບສູ້ປົກກະຕິໃນລະດັບພື້ນຖານໂດຍໄວ, ເອົາໃຈໃສ່ສຶກສາອົບຮົມວຽກງານການເມືອງ-ນຳພາແນວຄິດ ເພື່ອສ້າງສະພາບເເວດລ້ອມ, ສັງຄົມນີຍົມເຂົ້າສູ່ຊີວິດຕົວຈິງ ເຮັດແນວໃດໃຫ້ພະນັກງານສະມາຊິກພັກ ຕະຫຼອດຮອດ ພໍ່ແມ່ນປະຊາຊົນໄດ້ກຳແໜ້ນ ຕໍ່ກັບການປະຕິບັດ ລະບຽບກົດໝາຍ ແລະ ລະບອບການເມືອງໃຫ້ເລິກເຊິ່ງໃນທົ່ວສັງຄົມ.


ເພີ່ມທະວີ ເອົາໃຈແກ້ໃສ່ກົນໄກສະພາບເສດຖະກິດ-ສັງຄົມ, ບັນດາໜີ້ສິນຄຸງເຄືອທີ່ຂາດການຊຸກຍູ້ສົ່ງເສີມຈາກພາກລັດ, ສ້າງຄວາມເຂັ້ມແຂງໃນການແກ້ໄຂວຽກງານ ປ້ອງກັນຊາດ, ປ້ອງກັນ ຄວາມສະຫງົບ, ທີ່ ເກີດຂຶ້ນໃນສັງຄົມ ແລະ ຕ້ອງ ແກ້ໄຂຢ່າງທັນການ, ວຽກງານສືກສາ, ສາທາ ຍັງເຫັນວາແກ້ໄຂບໍ່ທັນສະພາບການເທົ່າທີ່ຄວນ, ເອົາໃຈໃສ່ ແກ້ໄຂຊີວິດການເປັນ ຢູ່ຂອງປະຊາຊົນໃນ ການແກ້ໄຂ ຄວາມທຸກຍາກ ໂດຍເລີ່ມຈາກ ຄອບຄົວ, ຊຸກຍູ້ໃຫ້ປະຊາຊົນປູກພືດຕາມລະດູ, ນຳໃຊ້ຊັບພະຍາກອນທຳມາດໃຫ້ມີຄວາມຍືນຍົງໄປຄຽງຄູ່ກັບ ການທ່ອງທ່ຽວອເພືື່ອສ້າງໃຫ້ເກີດປະໂຫຍດສູງສຸດ, ການສຶກສາ ເນັ້ນໃຫ້ເອົາໃຈໃສ່ຄຸນນະພາບເປັນຫຼັກ ເພື່ອຍົກລະດັບການ ສຶກສາໃຫ້ດີຂຶ້ນ, ຊອກຫາວິທີທາງ ແກ້ໄຂສ້າງວຽກເຮັດງານທຳ, ປົກປັກ ຮັກສາຮີດຄອງປະເພນີວັດທະ ນະທຳອັນດີງາມໄວ້, ການດຳເນີນ ກອງປະຊຸມໃຫຍ່ຕ້ອງເອົາໃຈໃສ່ ຕາມການເເນະນຳ, ກະກຽມຮອບດ້ານ, ຫັນລົງກໍ່ສ້າງຮາກຖານໃຫ້ ຫຼາຍຂຶ້ນ ເພື່ອກໍ່ສ້າງພະນັກງານ ແລະ ພັດທະນາບ້ານ, ກວດກາ ຄືນບ້ານພັດທະນາບັນດາເງື່ອນໄຂຕ່າງໆໂດຍເນັ້ນຄຸນນະພາບ ເປັນຫຼັກ ພ້ອມນີ້ ກໍ່ຍັງໄດ້ຊີ້ນຳດ້ານຂົງເຂດວຽກງານອື່ນໆອີກຈຳນວນໜຶ່ງ


ໂດຍ: ມາລາທິບ

LEAVE A REPLY

Please enter your comment!
Please enter your name here