ກົດຮູບເພື່ອຮັບສ່ວນຫຼຸດເລີຍພີ່ນ້ອງ

ລາຍງານຈາກ ຂ່າວສານຫຼວງພະບາງ ໃນວັນທີ 4 ກຸມພາ 2020 ໃຫ້ຮູ້ວ່າ: ແຂວງຫຼວງພະບາງຢືນຢັນ 100% ຍັງບໍ່ພົບຜູ້ຕິດເຊື້ອໄວຣັດສາຍພັນໃໝ່ໂຄໂຣນາ.

ຈິ່ງແຈ້ງເຖິງພໍ່ແມ່ປະຊາຊົນແຂວງຫຼວງພະບາງຢ່າແຕກຕື່ມນໍາຂ່າວລື ເຖິງວ່າມີແຈ້ງການຂອງກົງສູນໃຫຍ່ ສປ ຈີນ ທີ່ໄດ້ອອກແຈ້ງການ ໃນ ວັນທີ 3 ກຸມພາ 2020 ຜ່ານມານີ້ ໂດຍແຈ້ງວ່າ: ທ້າວ ຈັ່ງປ່ຽວ ສັນຊາດຈີນ ທີ່ຢູ່ປັດຈຸບັນ ນະຄອນ ຊົງຊິ້ງ ໄດ້ມາທ່ຽວຢູ່ ສປປ ລາວ ລະຫວ່າງ ວັນທີ 26-31 ມັງກອນ ແລະ ພັກທ່ຽວຢູ່ ນະຄອນຫຼວງພະບາງ, ເມື່ອລາວກັບໄປ ປະເທດຈີນ ຖືກກວດພົບວ່າເປັນພະຍາດອັກເສບປອດສາຍພັນໃໝ່(ໄວລັດໂຄໂຣນາ) ເມື່ອວັນທີ 1 ກຸມພາ 2020 ນີ້. ໄດ້ເຮັດໃຫ້ຫຼາຍຄົນຕົກໃຈເປັນຍ່າງຍິ່ງ ໂດຍສະເພາະແມ່ນຄົນທີ່ຢູ່ສະຖານທີ່ຈຸດບໍລິການທ່ອງທ່ຽວທີ່ ທ້າວ ຈັ່ງປ່ຽວ ໄປໃຊ້ບໍລິການ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ


ສໍາລັບເລື່ອງນີ້ ທິມຂ່າວແຂວງຫຼວງພະບາງໄດ້ໂທສໍາພາດ ທ່ານ ດຣ ວິລະສັກ ບານຸວົງ ຫົວໜ້າຂະແໜງຄວບຄຸມພະຍາດຕິດຕໍ່, ທິມງານເຝົ້າລະວັງຂັ້ນແຂວງ ພະແນກສາທາລະນະສຸກ ແຂວງຫຼວງພະບາງ ໃນ ວັນທີ 4 ກຸມພາ 2020 ນີ້ ທ່ານໄດ້ຍືນຍັນວ່າ: 100% ແຂວງຫຼວງພະບາງບໍ່ມີຜູ້ຕິດເຊື້ອໄວລັດໂຄໂຣນາ ສາຍພັນໃໝ່. ສະນັ້ນ ຂໍໃຫ້ປະຊາຊົນຢ່າຕົກຕື່ມກັບຂ່າວປອມທາງສື່ສັງຄົມອອນລາຍ ແລະ ໃຫ້ຕິດຕາມຂ່າວເປັນທາງການຈາກພະແນກສາທາລະນະສຸກ ແຂວງຫຼວງພະບາງ, ຈາກກະຊວງສາທາລະນະສຸກ, ສ່ວນຈຸດທີ່ຜູ້ຕິດເຊື້ອໄດ້ໄປທ່ຽວຕາມແຈ້ງການອອກມາຢູ່ພາຍໃນແຂວງຫຼວງພະບາງ ທາງ ທິມງານເຝົ້າລະວັງຂັ້ນແຂວງ ໄດ້ລົງໄປກວດອາການແຕ່ລະຄົນແລ້ວຍັງບໍ່ພົບອາການຫຍັງ ແລະ ຈະຢູ່ໃນຂັ້ນຕອນຕິດຕາມອາການ 14 ວັນຈາກນີ້ໄປ.


ທ່ານ ດຣ ວິລະສັກ ບານຸວົງ ຍັງໃຫ້ຮູ້ຕື່ມວ່າ: ທາງທິມງານເຝົ້າລະວັງຂັ້ນແຂວງຍັງໄດ້ລົງກວດກາສຸຂະພາບຜູ້ຂັບຂີ່ລົດ ແລະຜູ້ໂດຍສານມານໍາລົດ ຈາກ ອູຮັ່ນ ຕາມແຈ້ງການຂອງກະຊວງປ້ອງກັນຄວາມສະຫງົບ ພົບ 1 ຄັນ ຢູ່ແຂວງຫຼວງພະບາງ, ຈາກການກວດສຸຂະພາບແຕ່ລະຄົນບໍ່ພົບເຊື້ອໄວລັດໂຄໂຣນາ ສາຍພັນໃໝ່ ແລະ ສຸຂະພາບແຕ່ລະຄົນແຂງແຮງດີ.

---------------

ຢ່າລືມເປັນກໍາລັງໃຈໃຫ້ພວກເຮົາ, ກົດຕິດຕາມເພຈ All in LAOS

LEAVE A REPLY

Please enter your comment!
Please enter your name here