ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ວັນທີ 28 ທັນວາ 2020 ຢູ່ທີ່ ຄ້າຍຄຸມຂັງ-ດັດສ້າງ ( ຄໍາຂີ້ໄກ່ ) ແຂວງຄໍາມ່ວນ ໄດ້ຈັດພິທີປະກາດອະໄພຍະໂທດ ໃຫ້ແກ່ນັກໂທດທີ່ມີຄວາມກ້າວໜ້າພາຍໃນແຂວງ ໂດຍການເຂົ້າຮ່ວມຂອງທ່ານ ບຸນມາ ສຸດສະດາວອນ ຫົວໜ້າອົງການໄອຍະການປະຊາຊົນແຂວງຄຳມ່ວນ ທັງເປັນຮອງປະທານຄະນະກໍາມະການອະໄພຍະໂທດຂັ້ນແຂວງ, ທ່ານ ພັອ ຄຳພອນ ສີກຸມພົນ ຫົວໜ້າກອງບັນຊາການ ປກສ ແຂວງ, ທ່ານ ອວນມາ ຂັນຕິຍະວົງ ຮອງປະທານສະພາປະຊາຊົນແຂວງ, ມີບັນດາແຂກທີ່ຖືກເຊີນຈາກພາກສ່ວນທີ່ກ່ຽວຂ້ອງເຂົ້າຮ່ວມ.

ໃນພິທີແມ່ນໄດ້ຜ່ານລັດຖະດໍາລັດຂອງປະທານປະເທດແຫ່ງ ສປປ ລາວ ສະບັບເລກທີ 031/ປປທ, ລົງວັນທີ 10 ມັງກອນ 2020 ວ່າດ້ວຍການອະໄພຍະໂທດແກ່ນັກໂທດທີ່ມີຄວາມກ້າວໜ້າໃນຂອບເຂດທົ່ວປະເທດ ເນື່ອງໃນໂອກາດວັນຊາດທີ 02 ທັນວາ 2019 ຄົບຮອບ 44 ປີ ກໍ່ຄືລັດຖະທໍາມະນູນ ແຫ່ງ ສປປ ລາວ ໝວດທີ VI, ມາດຕາ 67, ຂໍ້ 12 ກ່ຽວກັບການຕົກລົງໃຫ້ອະໄພຍະໂທດ ແລະ ໜັງສືສະເໜີຂອງນາຍົກລັດຖະມົນຕີສະບັບເລກທີ 158/ນຍ, ລົງວັນທີ 30 ທັນວາ 2019.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໃນທົ່ວປະເທດມີນັກໂທດທີ່ໄດ້ຮັບການອະໄພຍະໂທດທັງໝົດ 2.146 ຄົນ, ຍິງ 347 ຄົນ. ໃນນັ້ນມີຄົນຕ່າງປະເທດ 39 ຄົນ, ຍິງ 02 ຄົນ. ເຊິ່ງອະໄພຍະໂທດດ້ວຍການຫຼຸດຜ່ອນໂທດມີຈໍານວນ 1.824 ຄົນ, ຍິງ 291 ຄົນ, ຄົນຕ່າງປະເທດ 34 ຄົນ, ຍິງ 02 ຄົນ. ປະກອບມີມຽນມາ 05 ຄົນ, ໄທ 07 ຄົນ, ຫວຽດນາມ 12 ຄົນ, ໄນຈີເຣຍ 02 ຄົນ, ການາດາ 01 ຄົນ, ຈີນ 04 ຄົນ, ໂຣມາເນຍ 01 ຄົນ, ບຸນກາລີ 01 ຄົນ ແລະ ອົດສເຕເຣຍ 01 ຄົນ. ເຊິ່ງໃນນີ້ນັກໂທດຄະດີຢາເສບຕິດຈໍານວນ 1.736 ຄົນ, ໄດ້ຮັບການຫຼຸດຜ່ອນໂທດຈາກໂທດຕະຫຼອດຊີວິດມາເປັນໂທດມີກໍານົດ 20 ປີ ລວມມີ 45 ຄົນ, ນັກໂທດຄະດີທົ່ວໄປຈໍານວນ 88 ຄົນ ແລະ ອະໄພຍະໂທດດ້ວຍການປ່ອຍຕົວນັກໂທດມີຈໍານວນ 322 ຄົນ.

ສະເພາະແຂວງຄໍາມ່ວນບັນຊີລາຍຊື່ນັກໂທດທີ່ມີເງື່ອນໄຂສະເໜີໃຫ້ອະໄພຍະໂທດ ຫຼຸດຜ່ອນໂທດທັງໝົດ 110 ຄົນ. ໃນນັ້ນຂໍ້ຫາຢາເສບຕິດລວມມີຈໍານວນ 105 ຄົນ. ຄົນຕ່າງປະເທດ 02 ຄົນ, ຂໍ້ຫາທົ່ວໄປມີ 05 ຄົນ, ສ່ວນບັນຊີລາຍຊື່ນັກໂທດທີ່ມີເງື່ອນໄຂສະເໜີໃຫ້ອະໄພຍະໂທດ ປ່ອຍຕົວມີຈໍານວນ 41 ຄົນ. ເຊິ່ງທັງໝົດແມ່ນຂໍ້ຫາຢາເສບຕິດ ແລະ ເປັນຄົນຕ່າງປະເທດ 01 ຄົນ .

ໃນພິທີຍັງໄດ້ມອບໃບຢັ້ງຢືນອະໄພຍະໂທດ ຫຼຸດຜ່ອນໂທດ ແລະ ໃບຢັ້ງຢືນອະໄພຍະໂທດ ປ່ອຍຕົວໃຫ້ແກ່ນັກໂທດທີ່ມີຄວາມກ້າວໜ້າໂດຍການມອບຂອງທ່ານ ບຸນມາ ສຸດສະດາວອນ ພ້ອມທັງມີຄໍາເຫັນໂອ້ລົມຕັກເຕືອນຕໍ່ນັກໂທດທີ່ໄດ້ຮັບການອະໄພຍະໂທດຫຼຸດຜ່ອນໂທດ ແລະ ປ່ອຍຕົວໃນຄັ້ງນີ້ ຈົ່ງໄດ້ເອົາໃຈໃສ່ສ້າງຜົນງານ ແລະ ມີການປັບປຸງຕົວເອງເພື່ອໃຫ້ເປັນຄົນດີກັບຄືນສູ່ສັງຄົມກໍ່ຄືຄອບຄົວ ແລະ ບໍ່ຫວນຄືນສູ່ພຶດຕິກໍາແບບເກົ່າເຊິ່ງມັນຈະສົ່ງຜົນເສຍຫາຍໃຫ້ແກ່ຕົນເອງ, ຄອບຄົວ, ສັງຄົມ, ການຈັດຕັ້ງ ແລະ ປະເທດຊາດ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here