ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໄດ້ມີໂອກາດອ່ານບົດຄວາມຈາກຜູ່ໃຊ້ເຟສບຸກອອກຊື່ Davone Duangdany ກັບປະເດັນ ທີ່ມາຂອງ ໄວຣັດອູ່ຮັ້ນ ທີ່ມີຫຼາຍທິດສະດີ ລືກັນ ເຊັ່ນວ່າ: ປະເທດອື່ນປ່ອຍໄວຣັດໃສ່ຈີນ, ຈີນສ້າງໄວຣັດເອງ ແລະອື່ນໆ. ລອງມາຟັງທັດສະນະແລະເຫດຜົນແຕ່ລະປະເດັນດັ່ງນີ້:

ເຫັນຮູບແລ້ວອີ່ຕົນແພດໝໍ, ຂ້າພະເຈົ້າຂໍອະນຸຍາດເລົ່າຕໍ່ມື້ວານເນື່ອງຈາກວ່າ ມື້ວານມີເວລາບໍ່ຫຼາຍບໍ່ໄດ້ໃຫ້ເຫດຜົນທີ່ເລິກເຊິ່ງ, ເປັນຫຍັງຈີນຈຶ່ງໝັ້ນໃຈວ່າການລະບາດຂອງໄວຣັດໃນຄັ້ງນີ້ບໍ່ແມ່ນການຕັ້ງໃຈກະທຳຂອງປະເທດອື່ນ?

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

1. ບັນດານັກວິທະຍາສາດທີ່ມີຊື່ສຽງຂອງຈີນສ່ວນໃຫຍ່ມີຄຳເຫັນເປັນເອກະພາບກັນວ່າຕົ້ນກຳເນີດຂອງໄວຣັດນີ້ມາຈາກໂຕເຈຍແຕ່ໂຕກາງທີ່ເປັນໂຕແຜ່ເຊື້ອມາສູ່ຄົນຍັງບໍ່ຊັດເຈນ (ອາດຈະເປັນເຈຍເອງ ແລະ ສັດປ່າອື່ນໆ ທີ່ເປັນໂຕກາງຍ້ອນໄດ້ຮັບເຊື້ອເຊັ່ນກັນ),

2. ຖ້າເປັນໄປໄດ້ຈີນກໍ່ຢາກໃຫ້ມັນແມ່ນປະເທດອື່ນເຮັດນະແລະຢ່າງໜ້ອຍກະຊິຮຽກຮ້ອງຄ່າເສຍຫາຍໄດ້ ເພາະຜົນເສຍຫາຍຄັ້ງນີ້ໜັກໜ່ວງອີ່ຫຼີ ແລະ ມັນກໍ່ດີກວ່າຈະໃຫ້ທົ່ວໂລກເວົ້າວ່າ ຕົນເອງກິນສັດປ່າແລ້ວແຜ່ເຊື້ອໃຫ້ໝູ່(ແຕ່ວ່າປະຈຸບັນຄວາມທັນສະໄໝຂອງວິທະຍາສາດ ຍິ່ງຕອນນີ້ເຊື້ອແມ່ນສະກັດອອກມາໄດ້ແຕ່ດົນລະ ນາໆຊາດກໍ່ຮັບຮູ້ ເຊື້ອສະກັດມາໄດ້ແລ້ວການຖອດລະຫັດດ້ານພັນທຸກຳມັນສາມາດເຊື່ອມໂຍງໄປຫາທີ່ມາໄດ້ ສະນັ້ນອັນນີ້ມັນຕົວະກັນບໍ່ໄດ້),

3. ຮອດຍຸກປະຈຸບັນ ນັກວິທະຍາສາດຈີນບໍ່ໄດ້ເປັນຮອງໃຜອີກແລ້ວ (ຈີນເອງກໍ່ເຊື່ອໝັ້ນແບບນີ້) ສະນັ້ນການທີ່ຈະໄປປ່ອຍໄວຣັດໃສ່ຈີນ ແລ້ວຈີນສືບທາວບໍ່ໄດ້ນິມັນເປັນໄປບໍ່ໄດ້ (ຄືການລະບາດຂອງ SARS ກໍ່ມີຂ່າວລືແບບນີ້ ແຕ່ຈີນກໍ່ສືບທາວ ຈົນໄດ້ຄຳຕອບ, ຄວາມຈິງການຈະຮູ້ວ່າໄວຣັດນີ້ຖືກສ້າງແລະປ່ອຍໂດຍຜູ້ໃດຜູ້ໜຶ່ງນັ້ນງ່າຍກວ່າ ການໄປພິສູດວ່າໄວຣັດນີ້ມາຈາກໂຕຫຍັງໃນທຳມະຊາດ ແລະ ໂຕກາງແຜ່ເຊື້ອແມ່ນຫຍັງ ແຕ່ຈີນເຮັດ ແລະ ໃຊ້ເວລາໄປສິບກວ່າປີຈຶ່ງຮູ້ ເພາະວ່າເຂົາເຈົ້າຮູ້ແຕ່ດົນແລ້ວວ່າບໍ່ແມ່ນຜູ້ໃດເຮັດ ແຕ່ຕ້ອງຫາສາເຫດເພື່ອໃຫ້ປະຊາຊົນໄດ້ຮູ້ແລະປ້ອງກັນ, ນັ້ນກໍ່ຄືບໍ່ໃຫ້ກິນສັດປ່າອີກ),

4. ຖ້ານັກວິທະຍາສາດຈີນປົກປິດຄວາມຈິງ ຫຼື ຕົວະວ່າໄວຣັດນີ້ມາຈາກສັດປ່າ ນັ້ນມີພຽງເຫດຜົນດຽວທີ່ຈະອະທິບາຍໄດ້ ແມ່ນຈີນສ້າງໄວຣັດເອງ ເພື່ອທົດລອງເອງແຕ່ຜິດພາດ (ເຊິ່ງມັນກໍ່ເປັນໄປບໍ່ໄດ້ ຍ້ອນເຫດຜົນດຽວກັບຂ້າງເທິງ ນານາຊາດສາມາດຮູ້ໄດ້ ຫຼັງຈາກສະກັດໄດ້ເຊື້ອແລ້ວ ຂໍ້ມູນພວກນີ້ຕ້ອງເປັນຂໍ້ມູນທີ່ເຜີຍແຜ່ສູ່ສາກົນ),

ສະຫຼຸບ: ຢ່າກິນເລີຍສັດປ່າ, ຫຼາຍຄົນວ່າຖ້າບໍ່ແມ່ນຜູ້ອື່ນປ່ອຍເປັນຫຍັງຈຶ່ງເກີດຢູ່ເມືອງອູຮັ້ນເຊິ່ງເປັນຈຸດໃຈກາງດ້ານຄົມມະນາຄົມ ແລະ ເປັນຈຸດຍຸດທະສາດເຮັດໃຫ້ການແຜ່ກະຈາຍແຜ່ລາມໄວວາ, ແຖວຫ່າງໄກສອກຫຼີກໃນຫຼາຍປະເທດກິນສັດປ່າມາແຕ່ດົນບໍ່ເຫັນເປັນຫຍັງ, ໂດຍທຳມະດາຕາມຫຼັກການການແຜ່ລະບາດມັນຈະເກີດຢູ່ບ່ອນທີ່ມີຄວາມແອອັດອັນແນ່ນອນ, ຜູ້ຄົນໄປມາຫຼວງຫຼາຍ ມັນກໍ່ຖືກແລ້ວເດ

ອູຮັ້ນບ່ອນຈຸດເກີດການແຜ່ລະບາດນັ້ນແອອັດ ຜູ້ຄົນໄປມາ ຊື້ຂາຍສັດປ່າ ແລະ ກິນສັດປ່າຫຼວງຫຼາຍ ຂະໜາດບໍລິໂພກຫຼວງຫຼາຍກ່ອນບ່ອນອື່ນໆ ແນ່ນອນ, ຄັນຫ່າງໄກສອກຫຼີກຍ້ອນຄວາມໜາແໜ້ນຂອງປະຊາກອນຕຳ່, ແລະ ຍ້ອນຫ່າງໄກເປັນຄົນໜຶ່ງສອງຄົນເຮົາກໍ່ບໍ່ຮູ້ ເພາະວ່າເບິ່ງຕົວເລກຕອນນີ້ຜູ້ຕິດເຊື້ອທັງໝົດ ສີ່ພັນປາຍ ເສຍຊີວິດແປດສິບປາຍ ບໍ່ແມ່ນທຸກຄົນທີ່ເປັນຈະເສຍຊີວິດໝົດ ຂຶ້ນກັບພູມຄຸ້ມກັນໃຜມັນ ແລະ ເຊື້ອພະຍາດນີ້ຈະແຜ່ລະບາດຫຼາຍພາຍໃຕ້ອຸນຫະພູມຂອງອາກາດປະຈຸບັນໃນຈີນ ຄືຊຸ່ມເລັກນ້ອຍແລະ ໜາວ ອຸນຫະພູມລະຫວ່າງ ສູນຫາສອງສາມອົງສາ.

ຂອບໃຈ: Davone Duangdany

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here