ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ປກສ ນະຄອນຫຼວງວຽງຈັນ ລາຍງານວ່າ: ໃນຕອນເຊົ້າວັນທີ 27 ມັງກອນ 2019, ຢູ່ຄ້າຍຄຸມຂັງ-ດັດສ້າງ ກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ຈັດພິທີປະກາດ ອະໄພຍະໂທດ ໃຫ້ນັກໂທດ ຈໍານວນ 223 ຄົນ, ຍິງ 51 ຄົນ ທີ່ປະພຶດຕົນດີ, ປະຕິບັດລະບຽບວິໄນເຂັ້ມງວດ, ມີຄວາມດຸໝັ່ນຂະຫຍັນພຽນ, ມີຄວາມຈູບຈ້າວຫ້າວຫັນໃນການປະກອບສ່ວນໃນໜ້າທີ່ວຽກງານປະຈໍາປີ 2019 ໂດຍການເປັນປະທານຂອງ ທ່ານ ບຸນມາ ດວງມາລາສິນ ຮອງຫົວໜ້າອົງການໄອຍະການປະຊາຊົນ ນະຄອນຫຼວງວຽງຈັນ, ໃຫ້ກຽດເຂົ້າຮ່ວມຂອງ ພັທ ສຸກພະຈັນ ບຸດດາຄໍາ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ, ມີພະແນກຍຸຕິທໍາ ນະຄອນຫຼວງວຽງຈັນ, ພະແນກສາທາລະນະສຸກ, ສານປະຊາຊົນນະຄອນຫຼວງວຽງຈັນ ແລະ ພໍ່-ແມ່ຜູ້ປົກຄອງເຂົ້າຮ່ວມ.


ໃນພິທີ, ພັທ ຄໍາເຜີຍ ພິມພິສານ ຫົວໜ້າຄ້າຍຄຸມຂັງ-ດັດສ້າງ ປກສ ນະຄອນຫຼວງວຽງຈັນ ໄດ້ຂຶ້ນຜ່ານແຈ້ງການຂອງປະທານຄະນະກໍາມະການອະໄພຍະໂທດລະດັບຊາດ ສະບັບເລກທີ 99 /ຄອຊ, ລົງວັນທີ 28 ພະຈິກ 2019 ໂດຍໄດ້ຄົ້ນຄວ້າ ແລະ ຕົກລົງ ຜູ້ທີ່ມີເງື່ອນໄຂໃຫ້ອະໄພຍະໂທດ ແລະ ຜູ້ທີ່ບໍ່ໄດ້ຮັບອະໄພຍະໂທດນັກໂທດ ໃນຄ້າຍຄຸມຂັງ-ດັດສ້າງ ກອງບັນຊາການ ປກສ ນະຄອນຫຼວງວຽງຈັນ ດັ່ງນີ້: ຜູ້ທີ່ໄດ້ເງື່ອນໄຂໃຫ້ອະໄພຍະໂທດປະຈໍາປີ 2019 ມີທັງໝົດ 223 ຄົນ, ຍິງ 51 ຄົນ; ໃນນີ້ຜູ້ໄດ້ຮັບການຜ່ອນໂທດມີ 205 ຄົນ, ຍິງ 45 ຄົນ, ໄດ້ຮັບການປ່ອຍຕົວມີ 18 ຄົນ, ຍິງ 6 ຄົນ ແລະ ຜູ້ທີ່ບໍ່ໄດ້ຮັບອະໄພຍະໂທດ ( ໂຈະ ) ມີທັງໝົດ 8 ຄົນ, ຍິງ 2 ຄົນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ


ສໍາລັບຜູ້ທີ່ມີເງື່ອນໄຂໃຫ້ອະໄພຍະໂທດ ( ປ່ອຍຕົວ )ແມ່ນເປັນນັກໂທດທີ່ຖືກສານຕັດສິນແຕ່ 3 ປີຫາ 20 ປີ ແລະ ຖ້າຫາກໂທດຍັງເຫຼືອ 1 ປີ ລົງມາ ສາມາດໄດ້ຮັບການອະໄພຍະໂທດປ່ອຍຕົວໄດ້ ແລະ ຕ້ອງເປັນນັກໂທດຜູ້ທີ່ປະພຶດຕົນດີ, ມີຄວາມກ້າວໜ້າໃນການປະຕິບັດລະບຽບວິໄນເຂັ້ມງວດ, ມີຄວາມດຸໝັ່ນຂະຫຍັນພຽນ, ມີຄວາມຈູບຈ້າວຫ້າວຫັນ ໃນການປະກອບສ່ວນໃນໜ້າທີ່ວຽກງານ; ເຊິ່ງຈັດຢູ່ໃນປະເພດ I, ປະເພດ II, ປະເພດ III ແລະ ເປັນຜູ້ທີ່ເສຍຄ່າປັບໄໝ 5 % ຂອງມູນຄ່າປັບໄໝທັງໝົດ.


ສໍາລັບຜູ້ທີ່ມີເງື່ອນໄຂໃຫ້ອະໄພຍະໂທດ ( ຫຼຸດຜ່ອນໂທດ ) ແມ່ນເປັນນັກໂທດທີ່ສານຕັດສິນເກີນ 3 ປີຫາ 20 ປີ, ແຕ່ປະຕິບັດໂທດໄດ້ເຄິ່ງໜຶ່ງຂອງໂທດ ແລະ ຕ້ອງເປັນນັກໂທດຜູ້ທີ່ປະພຶດຕົນດີ, ມີຄວາມກ້າວໜ້າໃນການປະຕິບັດລະບຽບວິໄນເຂັ້ມງວດ, ມີຄວາມດຸໝັ່ນຂະຫຍັນພຽນ, ມີຄວາມຈູບຈ້າວຫ້າວຫັນໃນການປະກອບສ່ວນໃນໜ້າທີ່ວຽກງານ ເຊິ່ງຈັດຢູ່ໃນປະເພດ I, ປະເພດ II, ປະເພດ III ແລະ ເປັນຜູ້ທີ່ເສຍຄ່າປັບໄໝຕັ້ງແຕ່ 3 % ຂຶ້ນໄປຂອງມູນຄ່າປັບໄໝທັງໝົດ.


ໃນຕອນທ້າຍ ທ່ານ ບຸນມາ ດວງມາລາສິນ ຮອງຫົວໜ້າອົງການໄອຍະການປະຊາຊົນ ນະຄອນຫຼວງວຽງຈັນ ໄດ້ກ່າວ ຕໍ່ນັກໂທດທີ່ຖືກປ່ອຍຕົວວ່າ: ພາຍຫຼັງທີ່ຖືກປ່ອຍຕົວກັບຄືນສູ່ຄອບຄົວ ແລະ ສັງຄົມ ແມ່ນໃຫ້ຝຶກຝົນຫຼໍ່ຫຼອມຕົນເອງ ໃຫ້ກາຍເປັນລະເມືອງດີຂອງຊາດ, ຕັ້ງໜ້າປະກອບສ່ວນເຂົ້າໃນການພັດທະນາຄອບຄົວຂອງຕົນ ໃຫ້ເປັນຄອບຄົວວັດທະນາທໍາ, ຄອບຄົວມີຄວາມສະຫງົບ ແລະ ມີການຜະລິດທີ່ຖືກຕ້ອງຕາມລະບຽບກົດໝາຍ ເພື່ອສ້າງເສດຖະກິດຄອບຄົວ, ສັງຄົມມີຄວາມຮັ່ງມີເຂັ້ມແຂງ, ມີການປະຢັດມັດທະຍັດ, ຕ້ານການຫຼິ້ນກິນຟູມເຟືອຍ, ຕ້ານການດໍາລົງຊີວິດແບບບໍ່ຖືກຕ້ອງ; ຕັ້ງໜ້າຕ້ານປະກົດການຫຍໍ້ທໍ້ຂອງສັງຄົມ ເປັນຕົ້ນແມ່ນຕ້ານການຜະລິດ, ຄ້າຂາຍ, ຂົນສົ່ງຢາເສບຕິດ, ການຄ້າມະນຸດ, ຂີ້ລັກງັດແງະ, ປຸ້ນຈີ້-ຊິງຊັບ ແລະ ອື່ນໆ, ມີສະຕິເປັນເຈົ້າຕົນເອງ, ປະກອບສ່ວນເຂົ້າໃນວຽກງານປ້ອງກັນຊາດ, ປ້ອງກັນຄວາມສະຫງົບ ເປັນຫູເປັນຕາຊ່ວຍເຈົ້າໜ້າທີ່ ແລະ ປະຕິບັດພັນທະຂອງພົນລະເມືອງຢ່າງຄົບຖ້ວນ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here