ປີ 2019 ດ່ານພາສີສາກົນພູດູ່ ເກັບລາຍຮັບໄດ້ 96,95 ຕື້ກວ່າກີບຈາກແຜນການປີຕັ້ງໄວ້ 80,15 ຕື້ກີບ ເທົ່າກັບ 120,91% ຂອງແຜນການປີແຕ່ຖ້າທຽບໃສ່ໄລຍະດຽວກັນຂອງປີຜ່ານມາປະຕິບັດໄດ້ 123,59%.

ທ່ານ ຕຸ້ຍ ຄໍາວັນດີ ຫົວໜ້າດ່ານພາສີສາກົນພູດູ່ ໃຫ້ສໍາພາດວ່າ: ດ່ານພາສີສາກົນພູດູ່ໄດ້ຮັບຕົວເລກແຜນການໃນການຈັດເກັບລາຍຮັບປະຈໍາປີ 2019 ທັງໝົດແມ່ນ 80,15 ຕື້ກີບ. ຜ່ານການຈັດຕັ້ງປະຕິບັດໃນປີ 2019 ສາມາດເກັບໄດ້ 96,95 ຕື້ກວ່າກີບທຽບໃສ່ແຜນການປີປະຕິບັດໄດ້ 120,91% ທຽບໃສ່ໄລຍະດຽວກັນຂອງປີຜ່ານມາປະຕິບັດໄດ້ 123,59%.

Featured Your Business Here


ລາຍຮັບພາກສ່ວນພາສີ 18,34 ຕື້ກວ່າກີບທຽບໃສ່ແຜນການປີປະຕິບັດໄດ້ 160,64% ໃນນີ້, ມີຄ່າຊັກພິເສດ 14,87 ລ້ານກວ່າກີບເທົ່າກັບ 73,99%, ພາສີຂາເຂົ້າທົ່ວໄປ 14,05 ຕື້ກວ່າກີບເທົ່າກັບ 120,38% ຄ່າທໍານຽມຕ່າງໆ 15,25 ຕື້ກວ່າກີບ ເທົ່າກັບ 232,02% ແລະ ຄ່າປັບໄໝ 25,20 ລ້ານກວ່າກີບ, ລາຍຮັບພາກສ່ວນອາກອນ 67,60 ຕື້ກວ່າກີບທຽບໃສ່ແຜນການປະຕິບັດໄດ້ 109,25%, ອາກອນຊົມໃຊ້ 45,30 ຕື້ກວ່າກີບເທົ່າກັບ 111,69%, ອາກອນມູນຄ່າເພີ່ມ 22,10 ຕື້ກວ່າກີບເທົ່າກັບ 105,11% ແລະ ອາກອນກໍາໄລ 206,70 ລ້ານກວ່າກີບເທົ່າກັບ 69,84%


ສ່ວນໝວດສິນຄ້າຕົ້ນຕໍໃນຈໍານວນ 96,95 ຕື້ກວ່າກີບປະກອບມີຄ່າຊັກພິເສດອື່ນໆ 14,87 ລ້ານກວ່າກີບ,ນໍ້າມັນເຊື້ອໄຟ 78,96 ຕື້ກວ່າກີບ,ຊີ້ນສ່ວນອາໄຫລ່ 18,56 ລ້ານກວ່າກີບ, ເຄື່ອງກໍ່ສ້າງ 117,95 ລ້ານກວ່າກີບ, ເຄື່ອງໃຊ້ໄຟຟ້າ 32,62 ລ້ານກວ່າກີບ, ເຄື່ອງອຸປະໂພກ-ບໍລິໂພກ 2,52 ຕື້ກວ່າກີບ, ຄ່າທໍານຽມລົດເຂົ້າ-ອອກ 510 ລ້ານກວ່າກີບ, ຄ່າທໍານຽມຄົນເຂົ້າ-ອອກ 246,97 ລ້ານກວ່າກີບ, ຄ່າທໍານຽມຄັງແຮ 14,49 ຕື້ກວ່າກີບ ແລະ ຄ່າປັບໃໝ່ 25,20 ລ້ານກວ່າກີບ.


ດ່ານພາສີສາກົນພູດູ່ ຕັ້ງຢູ່ເມືອງປາກລາຍ ແຂວງໄຊຍະບູລີ ອອກໄປທາງທິດຕາເວັນຕົກສຽງໃຕ້ປະມານ 37 ກິໂລແມັດຕິດກັບບ້ານຜາແກ້ວ ອໍາເພີບ້ານໂຄກ ຈັງຫວັດອຸດຕະລາລິດ ປະເທດໄທ, ເບື້ອງຕົ້ນເປັນດ່ານປະເພນີ ແລະ ຍົກລະດັບເປັນດ່ານທ້ອງຖິ່ນ ແລະ ມາຮອດວັນທີ 8 ກຸມພາ 2015 ໄດ້ຖືກຍົກລະດັບເປັນດ່ານສາກົນຈົນຮອດປັດຈຸບັນ.

ຂ່າວສານກະຊວງການເງິນ

LEAVE A REPLY

Please enter your comment!
Please enter your name here