ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ໃນວັນທີ່ 16/ 01 / 2020 ເວລາ 15:04 ນາທີ ໄດ້ຮັບແຈ້ງຈາກປະຊາຊົນຜ່ານເບີ 071 1625 ວ່າມີ ອຸປະຕິເຫດຂັບຂີ່ລົດ 22 ລໍ້ເສຍຫລັກປີ້ນ ຢູ່ເສັ້ນທາງບ້ານ ຫ້ວຍໂຄດ ເມືອງຊຽງເງິນ ແຂວງຫລວງພະບາງ ເມື່ອຫນ່ວຍກູ້ຊີບອົງການກາແດງລາວ ແຂວງຫລວງພະບາງ,ອອກກວດສອບເຫດພົບຄົນເສຍຊີວິດຄາທີ່ ເພດຊາຍ01ຄົນ, ລົດຄັນດັ່ງກ່າວແມ່ນລົດຂົນສົ່ງກ້ວຍມາແຕ່ ແຂວງສາລະວັນ ໄປຫາ ປະເທດຈີນ
ຂໍ້ມູນເບື້ອງຕົ້ນຜູ້ເສຍຊີວິດ ຊື່: ທ້າວ FU HUI ອາຍຸ 39 ປີ (ສັນຊາດຈີນ), ສະນັ້ນທາງຫນ່ວຍກູ້ຊີບ ໄດ້ປະສານງານ ຫາເຈົ້າຫນ້າທີ່ດັບເພີງ ເພື່ອຂໍຄວາມຊ່ວຍເຫລືອໃຊ້ເຄື່ອງຕັດຖາງ ແລະ ປະສານງານຫາເຈົ້າຫນ້າ ເພື່ອໃຊ້ລົດເຄນຍົກລົດຄັນດັ່ງກ່າວ ເພາະສົບຂອງຜູ້ກ່ຽວແມ່ນຕິດຢູ່ໃນລົດ ທາງເຈົ້າຫນ້າທີ່ແລະທີມງານໄດ້ທຳການເຄື່ອນຍ້າຍຮ່າງຂອງຜູ້ເສຍຊີວິດເປັນເວລາ2ຊົ່ວໂມງ ຈື່ງສາມາດເຄື່ອນຍ້າຍຮ່າງຂອງຜູ້ເສຍຊີວິດອອກມາໄດ້.
ດັ່ງນັ້ນຫນ່ວຍກູ້ຊີບອົງການກາແດງລາວ ຫລວງພະບາງຈື່ງໄດ້ທຳການເກັບມ້ຽນຮ່າງຂອງຜູ້ເສຍຊີວິດແລ້ວນຳສົ່ງໂຮງເຢັນຂອງໂຮງເຢັນໂຮງໝໍຈີນຫລວງພະບາງ.
ທາງຫນ່ວຍກູ້ຊີບອົງການກາແດງລາວຂໍສະແດງຄວາມເສຍໃຈມາຍັງຍາດຕິພີ່ນ້ອງຂອງຜູ້ເສຍຊີວິດ ແລະຂໍໃຫ້ດວງວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍເຖີ້ນ..
#ພົບເຫັນອຸບັດຕິເຫດ,ເຈັບ- ປ່ວຍສຸກເສີນໂທແຈ້ງ071 1625 ; 030 9211625#ບໍລິການຟີຣ ຕະຫຼອດ24 ຊົ່ວໂມງ.
ທ່ານໃດຢາກຊ່ວຍເຫລືອຫນ່ວຍງານ ສາມາດບໍລິຈາກເຄື່ອງອຸປະຖຳຕ່າງໆເຊັ່ນ: ເຂົ້າສານ,ອາຫານການກິນ,ນ້ຳມັນລົດ ຫລື ອຸປະກອນການແພດຕ່າງໆສາມາດຕິດຕໍ່ເຂົ້າເບີ 0309211625.
ຢ່າລືມກົດຕິດຕາມເພຈ All in LAOS
------------------------------
