21 C
Laos
Thursday, October 28, 2021

ຄະນະນຳກະຊວງປ້ອງກັນປະເທດເຂົ້າອວຍພອນ ສະຫາຍ ຈູມມາລີ ໄຊຍະສອນ

ຂ່າວເດັ່ນອາທິດນີ້

ວັນທີ 14 ມັງກອນ 2020 ຄະນະນຳກະຊວງປ້ອງກັນປະ ເທດ ນຳໂດຍ ສະຫາຍ ພົນຕີ ແອ ສະໄໝ ເລືອງວັນໄຊ ກຳມະການ ຄະນະປະຈຳພັກກະຊວງ, ຮອງ ລັດຖະມົນຕີກະຊວງປ້ອງກັນປະ ເທດ ພ້ອມດ້ວຍຄະນະໄດ້ນຳເອົາ ກະຕ່າດອກໄມ້ ແລະ ກະຕ່າຂອງ ຂວັນເຂົ້າອວຍພອນ ສະຫາຍ ຈູມ ມາລີ ໄຊຍະສອນ ອະດີດເລຂາທິ ການໃຫຍ່ຄະນະບໍລີຫານງານ ສູນກາງພັກ, ອະດີດປະທານປະ ເທດແຫ່ງ ສປປ ລາວ ຢູ່ທີ່ເຮືຶອນ ພັກຂອງເພີ່ນ, ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄືວັນ 20 ມັງກອນ 1949- 20 ມັງກອນ 2020 ທີ່ຈະໝູນ ວຽນມາ ຄົບຮອບ 71 ປີ ແລະ ໃນໂອກາດປີໃໝ່ສາກົນ ຄສ 2020.

ໂອກາດນີ້ ສະຫາຍ ຮອງລັດ ຖະມົນຕີກະຊວງປ້ອງກັນປະ ເທດຕາງໜ້າໃຫ້ແກ່ພະນັກງານ-ນັກຮົບໃນທົ່ວກອງທັບໄດ້ກ່າວ ສະແດງຄວາມກະຕັນຍູຮູ້ບຸນຄຸນ ຕໍ່ຜົນງານ, ທີ່ສະຫາຍ ຈູມມາລີ ໄຊຍະສອນ ໄດ້ປະກອບສ່ວນໃຫ້ ແກ່ພາລະກິດປົກປັກຮັກສາ ແລະ ພັດທະນາປະເທດຊາດ,

ໂດຍສະ ເພາະແມ່ນການກໍ່ສ້າງກອງທັບ ປະຊາຊົນລາວ ພ້ອມທັງກ່າວຄຳ ອວຍພອນໄຊອັນປະເສີດໃຫ້ສະ ຫາຍ ຈົ່ງມີສຸຂະພາບແຂງແຮງ ມີພາລະໄມສົມບູນເປັນທຸງໄຊ ເຕົ້າໂຮມຄວາມສາມັກຄີຂອງ ປວງຊົນລາວບັນດາເຜົ່າໃກຊິດ ຕິດແທດ, ຊຸກຍູ້ສົ່ງເສີມ ແລະ ກໍ່ ສ້າງກອງທັບປະຊາຊົນລາວໃຫ້ມີ ບາດກ້າວອັນໃໝ່, ກ້າວຂຶ້ນເປັນ ກອງທັບທີ່ມີແບບແຜນທັນສະ ໄໝ ແລະ ນັບມື້ເຂັ້ມແຂງກ້າວຂຶ້ນ ຢ່າງບໍ່ຢຸດຢັ້ງ.

ໂອກາດດຽວກັນ ສະຫາຍ ຈູມ ມາລີ ໄຊຍະສອນ ກໍໄດ້ສະແດງ ຄວາມຂອບໃຈຕໍ່ຄະນະນຳກະ ຊວງປ້ອງກັນປະເທດ, ນາຍ ແລະ ພົນທະຫານພະນັກງານ-ນັກຮົບ ທຸກຖ້ວນໜ້າ ໃນໂອກາດວັນສ້າງ ຕັ້ງກອງທັບປະຊາຊົນລາວຄົບ ຮອບ 71 ປີ ກອງທັບປະຊາຊົນ ລາວຈົ່ງສືບຕໍ່ເຮັດສຳເລັດໜ້າທີ່ ການເມືອງຂອງຕົນທີ່ຊາດ, ພັກ ແລະ ປະຊາຊົນລາວບັນດາເຜົ່າ ມອບໝາຍໃຫ້, ເວລາໃດກໍຈົ່ງ ເປັນກຳແພງອັນແໜ້ນໜາ ແລະ ເສົາຄ້ຳສຳຄັນຂອງປະເທດຊາດ ສົມກັບເປັນກອງທັບວິລະຊົນ ຂອງຊາດລາວວິລະຊົນຕະຫຼອດ ໄປ.

ໂດຍ: ແສງເດືອນ

- Advertisement -
- Advertisement -

ເລື່ອງລາວຫຼ້າສຸດມື້ນີ້