ໜັງສືພິມວຽງຈັນທາຍ ລາຍງານໃຫ້ຮູ້ວ່າ ກະຊວງແຜນການ ແລະ ການລົງທຶນໄດ້ແຈ້ງຕົວເລກ ປັດຈຸບັນມີຫຼາຍກວ່າ 800 ບໍລິສັດ ຂອງລາວ ແລະ ຕ່າງປະເທດທີ່ໄດ້ເຂົ້າໄປລົງທຶນຢູ່ ເຂດເສດຖະກິດພິເສດ (ຂສພ), ສະເພາະປີ 2019 ທີ່ຜ່ານມາ ມີ 202 ບໍລິສັດທີ່ໄດ້ເຂົ້າໄປລົງທຶນໃນ ຂສພ ຕ່າງໆ, ມອບ ພັນທະເຂົ້າງົບປະມານໄດ້ຫຼາຍກວ່າ 122 ຕື້ກີບ, ສ້າງວຽກເຮັດງານທຳໄດ້ 26.756 ຄົນ (ຄົນລາວ 2.607 ຄົນ) ເຊິ່ງແຮງງານລາວກວມເອົາ 9,74% ເທົ່ານັ້ນ.

ເຂດເສດຖະກິດພິເສດ (ຂສພ)

ທ່ານ ສອນໄຊ ສີພັນດອນ ຮອງນາຍົກ ລັດຖະມົນຕີ, ລັດຖະມົນຕີກະຊວງ ແຜນການ ແລະ ການລົງທຶນ ໄດ້ກ່າວຢູ່ກອງປະຊຸມລະຫຼຸບ ວຽກງານພັດທະນາ ແລະ ຄຸ້ມຄອງ ຂສພ ປະຈຳປີ 2019 ທີ່ໄດ້ຈັດຂື້ນ ຢູ່ກະຊວງແຜນການແລະ ການລົງ ທຶນ ໃນ ວັນທີ 14 ມັງກອນ 2020 ນີ້ວ່າ: ການລົງທຶນພັດທະນາ ຂສພ ຢູ່ໃນລາວ ແມ່ນ ຕ່າງກັບປະເທດອື່ນໆ ເພາະຕ່າງປະເທດແມ່ນລັດຖະບານເປັນຜູ້ລົງທຶນພັດທະນາພື້ນຖານໂຄງລ່າງທີ່ຈຳເປັນ ສ່ວນຢູ່ລາວແມ່ນໃຫ້ນັກລົງທຶນທັງພາຍໃນ ແລະ ຕ່າງປະເທດ ເປັນຜູ້ສຳປະທານພັດທະນາໂດຍມີນະໂຍບາຍສົ່ງເສີມພິເສດຍ້ອນວ່າລັດຖະບານລາວ ມີງົບປະມານທີ່ມີຂີດຈຳກັດ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ
ທ່ານ ສອນໄຊ ສີພັນດອນ ຮອງນາຍົກ ລັດຖະມົນຕີ, ລັດຖະມົນຕີກະຊວງ ແຜນການ ແລະ ການລົງທຶນ

ເຖິງແມ່ນວ່າຢູ່ແຕ່ລະ ຂສພ ຈະມີບໍລິສັດລາວ ແລະ ຕ່າງປະເທດເຂົ້າມາລົງທຶນຢ່າງໜ້າພໍ ໃຈແລ້ວກໍ່ຕາມ ແຕ່ຍັງມີສິ່ງທ້າທາຍ ຫຼາຍຢ່າງທີ່ຢາກໃຫ້ທາງຄະນະຮັບຜິດຊອບ ແລະ ຄອບຄຸມ ຂສພ ເອົາໃຈໃສ່ ຕື່ມ ເຊັ່ນ: ຍັງມີ ຂສພຈຳນວນໜື່ງຍັງ ບໍ່ມີຄວາມຄືບໜ້າໃນການປະຕິບັດສັນຍາ ແລະ ແຜນແມ່ບົດທີ່ກຳນົດໄວ້, ການບໍລິຫານຜ່ານປະຕູດຽວເພື່ອອຳ ນວຍຄວາມສະດວກໃຫ້ແກ່ການລົງ ທຶນຢູ່ທີ່ ຂສພ ຍັງເຮັດບໍ່ໄດ້ດີເທົ່າທີ່ ຄວນ, ການແກ້ໄຂບັນຫາທີ່ດິນ ຂອງປະຊາຊົນທີ່ຖືກຜົນກະທົບ ຈາກການພັດທະນາໂຄງການ ຍັງຊັກຊ້າ ແລະ ແກ່ຍາວ ນອກນັ້ນການປະຕິບັດພັນທະເຂົ້າງົບປະມານລັດຍັງບໍ່ທັນຫຼາກຫຼາຍ ແລະ ອື່ນໆ.

ທ່ານ ສອນໄຊ ກ່າວຕື່ມວ່າ: ສິ່ງສໍາຄັນທີ່ສຸດຢາກໃຫ້ຄະນະຮັບຜິດຊອບ ແລະ ຄວບຄຸມ ຂສພ ສຸມໃສ່ແມ່ນເລື່ອງສົ່ງເສີມແຮງງານ ລາວ ເພາະສັງເກດເຫັນວ່າຢູ່ແຕ່ລະ ຂສພ ຈະມີແຮງງານຕ່າງປະເທດຫຼາຍກວ່າແຮງງານລາວ. ດັ່ງນັ້ນຄວນຫາວິທີເຮັດໃຫ້ປະຊາຊົນໃນຂົງເຂດນີ້ມີວຽກເຮັດງານທຳ ແລະ ມີຊີວິດທີ່ດີຂື້ນເທື່ອລະກ້າວ.

LEAVE A REPLY

Please enter your comment!
Please enter your name here