ປກສ ອຸດົມໄຊ ທໍາລາຍປ້າຍລົດ ບໍ່ຖືກກົດໝາຍ ຈໍານວນຫຼາຍ

ຂ່າວ ປກສ ແຂວງອຸດົມໄຊ ລາຍງານໃຫ້ຮູ້ວ່າ: ໃນວັນທີ 10 ມັງກອນ 2020 ຢູ່ທີ່ພະແນກຕຳຫຼວດຈະລາຈອນ ກອງບັນຊາການ ປກສ ແຂວງອຸດົມໄຊ ໄດ້ຈັດພິທີທໍາລາຍແຜ່ນປ້າຍພາຫານະທີ່ໃຊ້ການບໍ່ໄດ້ທຸກປະເພດປ້າຍຈຳນວນ 401 ປ້າຍ(ຄູ່) ແລະ 108 ແຜ່ນປ້າຍ.

ໃນນີ້ປະເພດປ້າຍມີຄື: ປ້າຍໂອນ, ປ້າຍປອມ, ປ້າຍຕົກເຫ່ຍ ນອກນັ້ນຍັງມີປະເພດປ້າຍເກົ່າ, ປ້າຍຫັກ, ປ້າຍຕ່າງປະເທດ ລວມທັງປ້າຍລົດໃຫຍ່-ລົດຈັກ ແລະ ມີທຸກປະເພດປ້າຍທີ່ໄດ້ຈາກການກວດກາພົບເຫັນການປຽ່ນຖ່າຍ ແລະ ອື່ນໆອີກ