ລາຍງານຈາກປະຊາຊົນໃຫ້ຮູ້ວ່າ ໃນຕອນເຊົ້າວັນທີ 15/1/2020 ໄດ້ເກີດອຸບັດຕິເຫດ ລົດ ແກ່ດິນ 12 ລໍ້ ຂີ່ມາດ້ວຍຄວາມໄວຕໍາເອົາ ລົດຈັກ ເຂດທາງບ້ານນາທົ່ມ ເມືອງໄຊທານີ ນະຄອນຫຼວງວຽງຈັນ.
ເຄາະດີທີ່ ຜູ່ຂັບຂີ່ລົດຈັກສາມາດ ໂດດ ອອກຈາກລົດໄດ້ທັນ, ສ່ວນລົດຈັກ ແມ່ນຖືກລົດແກ່ດິນ ຢຽບເພເສຍຫາຍ.
ປະຊາຊົນໃຫ້ຂໍ້ມູນວ່າ ເຂດທາງນາທົມແມ່ນມີລົດຂົນດິນຈໍານວນຫຼາຍແບ່ນໄປມາ ເພາະມີການສ້າງທາງ ແລະ ທາງລົດໄຟ, ຈິ່ງຮຽກຮ້ອງໃຫ້ຜູ່ຂັບຂີ່ລະມັດລະວັງ, ໂດຍສະເພາະຜູ່ຂັບລົດໃຫຍ່ ຂໍໃຫ້ເຫັນໃຈລົດຈັກແດ່.
