ເປັນອີກຂ່າວດີ ແລະ ກໍາລັງໃຈແກ່ນັກກິລາທີມຊາດລາວ ເມື່ອ ບໍລິສັດ ລາວໂທລະຄົມ ມະຫາຊົນ ໄດ້ປະກາດ ຜ່ານເພດຈ ທາງການ ຂອງບໍລິສັດ ໃນວັນທີ 12 ທັນວາ 2019 ທີ່ຜ່ານມາ ວ່າຈະອັດສີດ ນັກກິລາຊີເກມ ຄັ້ງທີ 30 ທີ່ປະເທດ ຟີລິບປິນ ທີ່ໄດ້ຫຼຽນລາງວັນ ທຸກປະເພດ ເຊື່ງແຕ່ລະຫຼຽນຈະໄດ້ລາງວັນອັດສີດດັ່ງນີ້

ເພຈ: Lao Telecom

ຫຼຽນຄໍາ: 10 ລ້ານກີບ

ຫຼຽນເງິນ: 6 ລ້ານກີບ

ຫຼຽນທອງ: 3 ລ້ານກີບ

ເຊິ່ງ ຊີເກມ 2019 ທັບນັກກິລາລາວ ໄດ້ 1 ຫຼຽນຄໍາຈາກ ທ້າວ ສຸກັນ ໄຕປັນຍາວົງ ນັກກິລາຄິກບ໊ອກຊິ້ງ ຮຸ່ນນໍ້າໜັກບໍ່ເກີນ -60 ກິໂລ,

ຫຼຽນຄໍາ

ສ່ວນ 5 ຫຼຽນເງິນໄດ້ຈາກ ມວຍລາວ 1 ຫຼຽນ, ລົດຖີບ 1 ຫຼຽນ, ເປຕັງ 1 ຫຼຽນ ແລະ ຢູໂດ 2 ຫຼຽນ.

ຂະນະທີ 28 ຫຼຽນທອງໄດ້ຈາກ ຢູໂດ 1 ຫຼຽນ, ມວຍປໍ້າ 3 ຫຼຽນ, ຄິກບ໊ອກຊິ້ງ 3 ຫຼຽນ, ສະນຸກເກີ 1 ຫຼຽນ, ແລ່ນ-ລານ 1 ຫຼຽນ, ຄາຣາເຕໂດ 2 ຫຼຽນ, ເທຄວັນໂດ 2 ຫຼຽນ, ມວຍ 2 ຫຼຽນ, ຊອຟເທັນນິສ 1 ຫຼຽນ, ເປຕັງ 3 ຫຼຽນ, ກີລາຜ່ານສິ່ງກີດຂວາງ 1 ຫຼຽນ, ປັນຈັກສີລັດ 3 ຫຼຽນ, ວູຊູ 3 ຫຼຽນ ແລະ ກະຕໍ້ 2 ຫຼຽນ.

ລວມມູນຄ່າທີ່ ລາວໂທລະຄົມ ຈະອັດສີດ ໃນຄັ້ງນີ້ ແມ່ນ 124 ລ້ານກີບ ແບ່ງເປັນ ຫຼຽນຄໍາ: 1 ຫຼຽນ ມູນຄ່າ 10 ລ້ານກີບ, ຫຼຽນ ເງິນ 5 ຫຼຽນ ມູນຄ່າ 30 ລ້ານກີບ, ແລະ ຫຼຽນທອງ 28 ຫຼຽນ ມູນຄ່າ 84 ລ້ານກີບ.

ສະແດງຄວາມຊົມເຊີຍ ແລະ ເປັນກໍາລັງໃຈ ແກ່ນັກກິລາທີມຊາດ ທຸກຄົນທຸກປະເພດ ໃຫ້ສືບຕໍ່ ສ້າງຜົນງານໃຫ້ດີຂຶ້ນກວ່າເກົ່າ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here