ຫາກທ່ານໄດ້ມີໂອກາດເດີນທາງ ເລກທີ່ 13 ໃຕ້ ຜ່ານ ບໍລິຄໍາໄຊກໍ່ຢ່າລືມ ຖືໂອກາດ ຢ້ຽມຊົມ ແລະ ສັກກະລະບູຊາ ພະທາດອົງສັກສິດ ພະທາດ ພຣະບາດ ໂພນສັນ: ຕັ້ງຢູ່ຕິດທາງ 13 ໃຕ້ ບ້ານພຣະບາດໂພນສັນ ເມືອງທ່າພະບາດ, ແຂວງບໍລິຄໍາໄຊ.

Photo by: TF Travel

ພຣະບາດໂພນສັນ ໄດ້ຖືກຮັບຮອງເປັນມໍລະດົກທາງດ້ານວັດທະນະທໍາ ຂອງແຂວງບໍລິຄໍາໄຊ ຢ່າງເປັນທາງການໃນວັນທີ 22/1/2016 ຜ່ານມາ.

Photo by: TF Travel

ພຣະທາດດັ່ງກ່າວແມ່ນຖືກສ້າງມາແຕ່ປີ ພ.ສ 902, ຕາມການສັນນິຖານແມ່ນໄດ້ສ້າງກວມເອົາຮອຍພຣະບາດ. ບໍລິເວນວັດແມ່ນມີເນື້ອທີ່ 1200 ກວ່າເຮັດຕາ.

Photo by: TF Travel

ຕັ້ງຢູ່ແຄມທາງເລກທີ 13 ໃຕ້ ຢູ່ເມືອງທ່າພະບາດ ແຂວງບໍລິຄຳໄຊ ເປັນວັດທີ່ມີຄວາມໝາຍຄວາມສຳຄັນທາງດ້ານປະຫວັດສາດ, ວັດທະນະທຳ ມາແຕ່ດົນນານ, ເປັນສູນລວມ ຈິດໃຈ ແລະ ເປັນບ່ອນເຄົາລົບບູຊາກາບໄຫ້ວ ຂອງປະຊາຊົນລາວບັນດາເຜົ່າ ເຊິ່ງໃນເດືອນມັງກອນຂອງທຸກໆປີ ກໍຈະມີພິທີກຳທາງສາສະໜາ ກໍຄື ບຸນນະມັດສະການພະທາດພະບາດ-ໂພນສັນ ເພື່ອໃຫ້ມວນຊົນທັງພາຍໃນ ແລະ ຕ່າງ ປະເທດ ໄດ້ມາເຕົ້າໂຮມກັນ ກາບໄຫ້ວສັກກະລະບູຊາ ແລະ ອື່ນໆ.

Photo by: TF Travel

ວັດພະທາດພະບາດ-ໂພນສັນ ເປັນແຫຼ່ງທ່ອງທ່ຽວທາງວັດທະນະທຳ ທີ່ສາມາດດຶງດູດ ນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າມາທ່ອງທ່ຽວສປປ ລາວ ກໍຄື ເມືອງທ່າພະບາດ ແຂວງບໍລິຄຳໄຊ ເປັນຈຳນວນຫຼວງຫາຍ, ເປັນສະຖານທີ-ທີ່ມີຄຸນຄ່າອັນໂດດເດັ່ນທາງດ້ານວັດທະນະທຳ ແລະ ເປັນຈຸດກຳເນີດທາງດ້ານພຸດທະສາສະໜາ ໂດຍມີຮອຍພະບາດ ແລະ ໂພນສັນ ບ່ອນນັ່ງສັນເພນ ຂອງພະພຸດທະເຈົ້າ ເປັນຫຼັກຖານຢັ້ງຢືນ.

Credited: Thaphabath Review 

ສ່ວນປະຫວັດຄວາມເປັນມາ ແລະ ເລື່ອງລາວການສ້າງອົງພະທາດແມ່ນມີດັ່ງນີ້

ປະຫັວດຄວາມເປັນມາຂອງຮອຍພຣະບາດໂພນສັນ.
ຮອຍພຣະບາດໂພນສັນເປັນປູສະນີຍະວັດຖຸ ອັນສຳຄັນປະການໜື່ງ ຊີ່ງພຸດທະສາຊະນິກະຊົນ ທັງພາຍໃນແລະຕ່າງປະເທດ ຕ່າງກໍ່ເຄົາລົບນັບຖື ເພື່ອລະນຶກເຖີງຄຸນຂອງພຣະພຸດທະເຈົ້າ ພະທຳມະເຈົ້າ ພະສັງຄະເຈົ້າ ເຊິ່ງເປັນຜູ້ມີອຸປະກາລະຄຸນ ໃຫ້ແກ່ມະນຸດເຮົາ ພະຍາຍາມສອນໃຫ້ພວກເຮົາທັງຫຼາຍ ໃຫ້ລຸດພົ້ນອອກຈາກຕັນຫາ ເຄື່ອງຜູກພັນຕ່າງໆ ນາໆ ທີ່ຜູ້ຮັດຈິດໃຈຊອງມະນຸດ , ສັດທັງຫຼາຍ ໃຫ້ຈົມຢູ່ໃນວັດຕະສົງສານ ແລະໃຫ້ມະນຸດຄົນ ສັບພະສັດທັງຫຼາຍ ຕ່າງໆ ນາໆ ໃດ້ມີໂອກາດ ເຮັດຄຸນງາມຄວາມດີ ທຳບຸນໃຫ້ທານ ມີເມດຕາກາລຸນາ ມຸທຸຕາອຸເປກຂາ ຕາມຄຳສອນໃນພຣະພຸດທະສາສະໜາ.

Credited: Thaphabath Review 


ຮອຍພຣະພຸດທະບາດໂພນສັນ ປະດິດສະຖານຢູ່ພະລານຫິນ ໂຄກຈິກວຽງງົວ ໃນເຂດບ້ານພະບາດ ເມືອງທ່າພະບາດ ແຂວງບໍລິຄຳໄຊ ອັນເປັນສິ່ງທີ່ນຳຄວາມເຫຼື້ອມໃສຂອງບັນດາຊາວພຸດທັງພາຍໃນ ແລະ ຕ່າງປະເທດ ເນື່ອງຈາກວ່າເປັນທີ່ປະດິດສະຖານ ຮອຍພຣະບາດ ຂອງພຣະພຸດທະເຈົ້າ ຄືເມື່ອຕອນພຣະອົງຊົງຍັງມີ ພຣະຊົນມາຍຸ ຢູ່ ພຣະອົງໃດ້ສະເດັດມາປະທານຮອຍພຣະບາດໃວ້ ເພື່ອໃຫ້ປະນະສັດທັງຫຼາຍ ທີ່ມີຄວາມເຫຼື້ອມໃສໃນພຣະອົງ ໃດ້ຂາບໄຫວ້ ດວ້ຍລິດເດດປາຣະມີ ຂອງພຣະພຸດທະອົງ ສະຖານທີ່ແຫ່ງນີ້ຈື່ງບໍ່ຖືກທຳລາຍ.

Credited: Thaphabath Review 


ພຣະພຸດທະບາດໂພນສັນ ໝາຍຄວາມວ່າ ຮອຍພຣະບາດທີ່ພຣະພຸດທະອົງປະທັບໃວ້ ໃນສະຖານທີ່ ທີ່ພຣະອົງ ນັ່ງສັນເຂົ້ານັ້ນເອງ ເພາະບໍລິເວນໃກ້ກັນນີ້ ມີໂພນດີນປົນຫິນ ແລະ ຊາຍສູງໃຫ່ຍ ຢູ່ແຄມແມ່ນຳ້ຂອງ ຫ່າງຈາກທີ່ປະດິດສະຖານຮອຍພຣະພຸດທະບາດ ໃປທາງທິດໃຕ້ປະມານ 2 ກິໂລແມັດ ບູຮານນະການຈື່ງໃດ້ກ່າວເອີ້ນກັນມາວ່າ “ຮອຍພຣະບາດໂພນສັນ” ຮວມເອົາຊື່ທັງສອງແຫ່ງມາເຂົ້າກັນ ເພື່ອໃຫ້ຈື່ຈຳໃດ້ງ່າຍ

ການຈັດງານບຸນ ພຣະບາດ ໂພນສັນນັ້ນ ແມ່ນ ຈະຈັດຂຶ້ນ ທຸກໆປີ ໃນ ມື້ຂຶ້ນ 15 ຄໍ່າ ເດືອນ 2 ລາວ. ແນ່ນອນ ການຄົບງັນມ່ວນຊື່ນ ກໍ່ຈະຈັດເປັນເວລາ 3-7 ວັນ ພຸ້ນແລ້ວ.

ຢ່າລືມແຊ່ເລືອງນີ້ໃຫ້ລູກຫຼານ ແລະ ນັກທ່ອງທ່ຽວຄົນອື່ນໆໄດ້ຮັບຊົມ. ດຽວທີມງານ All in LAOS ແລະ TF Travel ຈະເອົາເລື່ອງລາວ ຂອງພຣະທາດອື່ນໆ ມາໃຫ້ຮັບຮູ້ນໍາອີກເຊັ່ນ

2. ພຣະທາດເມືອງເກົ່າ ສີໂຄດຕະບອງ ເມືອງທ່າແຂກ:

Photo by: TF Travel
Photo by: TF Travel
Photo by: TF Travel

3. ພຣະທາດ ອີງຮັງ, ນະຄອນໄກສອນ ພົມວິຫານ, ແຂວງສະຫວັນນະເຂດ

Photo by: TF Travel

Photo by: TF Travel
Photo by: TF Travel

Photo by: TF Travel

4. ພຣະທາດໂຜ່ນ, ເມືອງໄຊພູທອງ, ແຂວງສະຫວັນນະເຂດ.

Photo by: TF Travel
Photo by: TF Travel

LEAVE A REPLY

Please enter your comment!
Please enter your name here